Guyana seven races fed up wid tit fuh tat

Jul 13, 2017 Dem Boys Seh, Features / Columnists, News

Is only scamps does tek people money and don’t do nutten. In de free world when this happen de people does get fired in de fuss month. But is not de same thing in politics.
De politicians does get pay by de people and dem don’t do nutten
Jagdeo is one of dem. He never did nutten when he was president although he get a big fat salary plus kickbacks. Now he is leader of de opposition he still ain’t doing nutten and he collecting salary plus perks. Every now and then he calling press conference. Most of de time people don’t understand what he saying.
He always criticizing and condemning, but never have a solution fuh any of de problems he put Guyana in.
Whenever people ask him how he would deal wid a problem facing de nation, he quick fuh seh he is not de govt. He seh this over and over.
Yesterday when one reporter at his press conference ask him how he would deal wid de present prison fiasco, he tell dem he is not de govt.
Wha dem boys want he to know is that he and ee party represent a huge chunk of de population. But every time dem hold a press conference nutting solid, nutting of consequence, nutting substantial, nutting meaningful, nutting assuring. Is sheer negativity and criticism coming out dem mouth.
Jagdeo don’t even see that dem boys stop reporting on ee press conferences, because dem don’t want to confuse de people or give dem garbage.
Dem boys seh that dem get more upset when dem hear Jagdeo and ee Pee Pee Pee press conference is streaming live so that people can listen.
That is a shad, shad, shishuashion. Is a case of confusing and punishing de people.
Dem boys want him to know that unless he and he kavakamites seh something positive, enlightening and uplifting to this nation, is no more reporting. Dem cannot continue wid this he seh, she seh, dem seh story; he up, she down, me in, you out nonsense.
This back and forth tit fuh tat scenario is something de Guyanese, all seven races, tired of. Dem boys learn in school how Guyana got six races but Jagdeo and de politicians wid dem tit fuh tat mek it seven. And dem boys ain’t gun allow it to remain seven.
Talk half and tell de politicians to wuk fuh dem pay.

Discover more from Kaieteur News

Subscribe to get the latest posts sent to your email.

Latest News