If thiefing is de way to go, then go on

Aug 27, 2016 Dem Boys Seh, Features / Columnists, News

Shakespeare did write that if music is de food of love, play on. Guyana got some people who talking that if thiefing is de way to go, go on.
Dem boys sit down and while dem reading de paper dem find out that some people was actually thiefing water in Guyana, de land of many waters.
Dem got ordinary people who does get cut off if dem only owe $2,000 pun dem water bill, but a big company owe millions and GWI didn’t even know, because nobody use to check. When dem check, dem find out that there was not even a record of any connection. And this company does use de water to do more than drink.
Wha mek dem boys laugh is that when de investigators go to de company to check dem get chase out of de compound. Commonsense always seh to get a court order or a warrant. You can’t walk in people place like if you own it, although dem boys believe that people still got a problem about who really own de property.
Dem boys want GWI to check all dem other company wha Babbie own just in case secret water going into dem. And is now dem boys understand why Dickie West did hire a drugs man to collect de money. Drugs people got a way of mekking people who owe, tremble and pay quick. Now if this company owe millions fuh de water, de drugs man woulda get that money plus a share fuh he troubles.
But that got trouble, just like how de police got trouble wid all dem killing in Berbice. Dem even got trouble wid people who killing other people fuh turning a car pun dem bridge. De man claim how people did threaten to kill him. Dem boys want to know why. He had to do somebody something or owe somebody, just like how Babbie owe GWI.
Talk half and try to find out all who thiefing.

Discover more from Kaieteur News

Subscribe to get the latest posts sent to your email.

Latest News