Some people think dem more smart than de Creatah

Aug 21, 2016 Dem Boys Seh, Features / Columnists, News

De Creatah know why he mek only one of everything, but it look like if dem got people who think dem more smart than de Creatah. Dem creating conditions wheh people want to believe that if de government don’t two of de same thing nutten can’t go good.
Nutten rent a bond and pay a lot of money although de government got a bond that big enough to store all de drugs in de Caribbean. This bond got electronics, suh drugs can be stored by date and everything. The intention was to reduce the quantity of expired drugs. It got storage suh that things can be stored even according to de alphabet.
When Nutten get into trouble because he pay Larry de same money fuh de bond that Larry pay fuh de building, Soulja Bai order he colleagues, Moses, Trotty and Joe Lin, to investigate de deal. Dem come up wid dem finding that de government need two bonds and de reason so stupid that dem even justifying why Jagdeo use Bobby.
Dem claim that because is one road that gun affect distribution whenever dem got traffic jam. Dem boys want to know why dem don’t have two Ohh Pee in case of a fire. De reasoning is that dem should have Two Prime Minister, and two Trotty in case one get sick. Dem should also have two parliament in case dem have a protest outside one of dem.But Heavens forbid that dem have two Health Minister, two Jagdeo, two Luncheon and two Kwame.
Dem boys want to know how dem can criticize Jagdeo. He had he friend, Bobby, who build a bond specially fuh Guyana. And nobody didn’t tell Bobby to build two bonds because one could burn down. Dem didn’t consider that is de same one Diamond road that de drugs had to travel.
In that case Bobby should have build two bonds. De Waterfalls paper boss man should build two Waterfalls paper, just in case. That is de nonsense Moses, Trotty and Joe Lin telling de people. All of dem should have two houses.
De people ain’t stupid. Dem know that is a big cover-up fuh protect Nutten.
Talk half and tell Soulja Bai to conduct another investigation.

Discover more from Kaieteur News

Subscribe to get the latest posts sent to your email.

Latest News