Dem boys seh...A disabled AG costing Guyana

Dem boys seh…A disabled AG costing Guyana

Aug 14, 2016 Dem Boys Seh, Features / Columnists, News

When people get full eye, that is dem want wha dem see, sometimes dem does get embarrass. Gerry got some nice looking flight attendants.
All of dem does got man looking at dem and wishing. Nutten was one of dem men. He sit down in de plane and he see this flight attendant.
He ask she wha she name and she tell him. “Natasha Benz, sir”
Minister: “Lovely name …any relation to Mercedes Benz?”
Flight Attendant: “Yes sir, very close”
Minister: “How close?”
Flight Attendant: “Same price”.
That is wha mek Nutten tie up de deal wid Larry. He needed de money but he didn’t bargain to get ketch. Now he might even got a job much less de flight attendant.
Another one is AG Willie. Dipcon, a company that couldn’t even finish a road project, did sue Donald Ramotar government.
Anil is a man who does only go in court when he got an easy case. So he does share out de government money to dem lawyer who is he friend.
This AG Willie was too lazy to check and see which case dem got in de system suh when de court give Dipcon judgement, he claim how he didn’t know. Dem boys seh that all he doing is mekking Soulja Bai pay out money.
De other day he didn’t even let de court case run its course. He settle. He, like Anil, always hiding when it come to arguing a case in court. Or he blind, and deaf too.
And this man getting top dollars. Dem boys want to know if Soulja Bai paying him to sit down in office and talk.
That is why dem boys seh that de law cannot be fair. Dem seh that de government does crucify de petty thieves and appoint de great ones to high office, not that dem boys calling anybody a thief. But dem seriously watching Nutten and that drug bond deal.
Talk half and keep watching de cockishness.

Discover more from Kaieteur News

Subscribe to get the latest posts sent to your email.

Latest News