People mekking deal fuh settle wid contractors

Aug 08, 2016 Dem Boys Seh, Features / Columnists, News

Guyanese is a people who like sue. If you stand up by you window and you spit outside and you neighbor see, de next thing you know is court you gone.
De neighbor gun claim how you spit at him.
If you bathing in you yard and de woman next door who don’t talk to you and she see, she gone to de police and tell dem how you expose youself to she, especially if she husband is a man who don’t warm she bed.
Dem contractors wuss. If dem bid fuh a contract and de tender board don’t award dem is a judge got to decide de matter. Things reach de stage wheh dem boys believe that some contractors does cut a deal.
A certain contractor tek on a job fuh maintain a place wheh dem does dump garbage. A foreign agency put plenty money into de programme. But everybody know that if you get a wuk and you can’t do it then you gun lose it. In this case Donald close off de contract and de man sue de government.
He hear how a foreign beverage company did sue and de government had a lawyer who didn’t want to go in de court. In de end de government settle. This contractor who was dealing wid de garbage decide that he gun do de same thing but before he do it he had a chat wid some people.
Dem boys know that nuff times de government does settle and dem does do this thing public so de whole country know.
This time dem pay de man even before de government and de contractor reach a settlement. Dem boys now got a saying that once dem got a settlement dem got drawback. Somebody standby to collect a share of de settlement.
Dem boys know that more contractor gun sue even de one who do de bad wuk pun de school in de interior. But this one gun get a shock. He might have to end up paying de government just like how a certain man who sue de Waterfalls paper might have to pay de paper.
Talk half and watch how dem contractor looking fuh cut deals.

Discover more from Kaieteur News

Subscribe to get the latest posts sent to your email.

Latest News