Jagdeo like trouble

Jul 28, 2016 Dem Boys Seh, Features / Columnists, News

Dem have a saying. Duck got water to bathe; fowl want it to drink. Dem boys got a country and while people doesn’t always get along wid each other at least dem learn to live together. But dem always got a group who don’t like to see things going smooth. That is de group that always finding something to talk about and whatever dem got to talk about bound to cause trouble.
Jagdeo is a man who like to search fuh trouble and he can always find it. De last time he talk at Papa Cheddi memorial he get into trouble and end up in court. Wha save him was that he had friends in de system.
Now he gone to New York and get in trouble again. Dem boys seh that every time he see a group of East Indian people he got to prove that he is de man who got to give dem bad news out of Guyana.
Fuh a big man he run to get help when de heat come down. De first thing he do is cuss de man who put up de video. Dem boys never see a video come down so fast but it was too late. People did done download it.
He call pun Rohee but dem boys seh was like calling pun de fifth wheel pun a coach. Gail step up. She walk wid a notebook and show how many East Indian deh pun how many boards. But is funny how dem ain’t walk wid a list that compare all dem boards.
Guyana is Guyana. When Jagdeo been in power, if dem boys did want dem could prove how one group got more seats than de other. Dem boys seh dem don’t have to look far—only as far as parliament.
But de country got more important thing to do and dem boys got to do it.
Talk half and wait fuh somebody count how many people got house.

Discover more from Kaieteur News

Subscribe to get the latest posts sent to your email.

Latest News