Latest update August 30th, 2026 10:40 AM
Latest News
- Guyana was ‘conned’ out of billions by failure to ring-fence Exxon’s projects – Glenn Lall
- ‘Guyanese must get bigger share of new oil projects’ – Norton
- Trump: US strikes deal to take control of Venezuela’s 65B barrels of oil
- Govt. deliberately trying to destroy Linden community – Norton
- Govt. still silent 15 days after MV Barima salvage tender closes – Mahipaul
Dem boys seh …Ash suing from long distance
Eye pass can never done. That is why dem old people does seh that when fowl eye pass corn is a bad thing. At first dem boys didn’t understand de saying until a old man tell dem that de corn can stick in de fowl throat.
An audit find that a big one wid GPL get a Board member and together dem decide that dem deserve to get some money before de government change. De big one in de electricity company clap he hand pun $27 million. That is wha dem boys seh.
By de time de new government realise de money missing and dem call de man a new story begin. De man tell dem he gun pay it back, then he buy plane ticket fuh he, he wife and he children and dem sneak out de country and land in Canada.
De Waterfalls paper write de story bout de man and de money. Everything was going good, but monkey can’t watch a marabunta nest and lef it. He got to get a stick and poke it. De GPL man wait almost a whole year then he decide to sue de Waterfalls paper fuh $1 billion—US$5million.
Dem boys seh that dem following de government. Dem don’t want to go to court, so dem gun settle. Court is a waste of time. De boss man fuh de Waterfalls paper seh that de man can come to Guyana and collect, not de whole billion but li’l less, just like how BK accept a li’l less in he settlement. Then people gun call him Ash fuh cash.
It can’t be that he bruck and he got to get money wheh he deh hiding. It might be that he hoping to get de one billion and deduct de people money from that.
One thing; dem boys seh that de man got to come and testify. De only man who didn’t testify in he libel case is Jagdeo and he gun lose it. Ash is no Jagdeo, so he got to come to Guyana. Dem boys will prepare an armed escort to bring him from de airport.
He don’t have to worry bout accommodation, but it wouldn’t be life in London.
Talk half and help Ash come home fuh de libel money.
Share this:
Discover more from Kaieteur News
Subscribe to get the latest posts sent to your email.
Similar Articles
hits
Blunt of the day
Sports
Features/Columnists
Sir. Ronald Sanders
The GHK Lall Column
Weekend Cartoon
