Dem boys seh...Remember when Guyana was blind

Dem boys seh…Remember when Guyana was blind

Jul 18, 2016 Dem Boys Seh, Features / Columnists, News

Old people seh that you can’t expect the impossible. Dem got a good example. If you tek a filly and send it to school by de time de filly meet university is not that you got a bright donkey. What you got is a big jackass.
Guyana got a lot of that. People sit down and look at Jagdeo and wonder how a person like that could be so wrong sided. Dem never think about de filly. This is a man who had a lot of love from de people till dem find out that he give away more money from de treasury than he give to de people who want it.
This was a man who break all dem laws because that was easy and he didn’t have to answer to anybody.
He was chief lawmaker, Anil, had de nerve to announce how de party tun a blind eye when people break de law. He was de man who woulda let everybody do all de wrang thing dem coulda do.
Dem boys see wha now coming out of de audit. People tek de taxpayers’ money and put it in dem pocket. Some buy house that dem couldn’t own if dem was honest. Nuff of dem trying to hide some of that money but dem ain’t got nowhere to hide it.
It now look like if de Sheriff was keeping dem money and now that Soulja Bai find it people trying to hide. All of a sudden dem want to lef all that money wid de Sheriff.
De hammer starting to fall and Jagdeo hollering how Soulja Bai going against de rule of law. He claim that dem got law to prosecute all who do wrang thing. He don’t want de law to change to mek police investigate de source of de money. That gun expose everything.
Another thing. De whole country suddenly seeing how de police solving some crime that people commit when Jagdeo was in charge.
Dem boys want to know how come dem same people manage to get away. Jagdeo Attorney General explain everything. He seh de government tun a blind eye.
Talk half and understand how Jagdeo dig out Guyana eye and mek it blind.

Discover more from Kaieteur News

Subscribe to get the latest posts sent to your email.

Latest News