Latest update June 4th, 2026 12:30 AM
Dem boys seh…Guyana is a nice and safe place
Guyana is a nice place. When people do something wrong in another country dem does run and come to Guyana. Some years ago a man from Trinidad, Abdul Malik, kill some people in Trinidad and he come to Guyana. Of course he get ketch.
When Uncle Sam want we people we got a law that does mek we keep we own people. Dem boys seh that Guyanese really happy. Everybody want a visa to go to de States and dem applying and getting through. Now some of dem want to give back de visa. People killing people like crazy.
One man tek a gun and kill 49 people in a bar. Yesterday dem boys hear some people blow up an airport and kill nearly 40. De people who count seh that 90 people get injured.
All of a sudden Guyana got a terrorist. This man who was a security guard fuh a one time Minister ain’t wukking. Everybody he go to telling him how dem ain’t got money. Even Jagdeo refuse to give de man a raise. He claim how he don’t walk wid money.
But it was a lady who cause all de trouble. When de man ask she, this woman tell de man to go rob a bank. That is when de trouble start. De man walk in a bank and tell de woman teller how he got a bomb and how he want $10 million.
This is de same man who did do this thing couple years ago. He did walk in another bank and tell de people how he got a bomb and how he want money. He end up in jail that time and he gun end up in jail this time.
Dem boys want to know how man can do de same thing all de time and expect a different result. This man think he is de whole ISIS. But is a good thing he in Guyana. Any other place he woulda dead. But then again, dem boys seh that any other place, he might have had a bomb fuh real.
Talk half and always know that Guyana nice.
Share this:
Discover more from Kaieteur News
Subscribe to get the latest posts sent to your email.
Similar Articles
THE BLUNT OF THE DAY
Sports
Features/Columnists
Sir. Ronald Sanders
The GHK Lall Column
Weekend Cartoon
