A special prayer, Creatah

Jun 16, 2016 Dem Boys Seh, Features / Columnists, News

De whole Guyana know that de Waterfalls paper lost one of its family members who was one of its best contributing factor.
He bring sadness to de whole company. He dampen dem spirits and saddened dem soul so that Tuesday after de funeral dem boys couldn’t write nutten. Dem had to tek a drink and pray.
After de funeral de workers didn’t have de zeal to even put out a full newspaper; dem hope everybody see that. In church during de funeral, Tuesday, dem boys did pray.
Was a short and simple prayer. “Creator, please tek care of Dale, de Waterfalls paper Crime Chief. Continue to protect us from dem who think dem can harm us.
You does answer all dem prayers. Dem boys certain about that. You are in command and control of de entire Universe, everything we do and everything we say; everything we hear and everything we see.
Last week you tek Dale, our best crime reporter. De same day you tek Muhammad Ali, our best boxer of all times. De same day, Creatah, you tek, Prince, our greatest musician.
Creatah, we just want to remind you, that our best politician, is none other, than de one and only, Bharrat Jagdeo.
Talk half and hope this nation seh de same prayer.

Discover more from Kaieteur News

Subscribe to get the latest posts sent to your email.

Latest News