De audit digging up nuff jumbie

Jun 11, 2016 Dem Boys Seh, Features / Columnists, News

Yesterday, dem boys talk about all dem ghost pensioners. People who never exist end up collecting Old Age pension. Dem boys know that people inside de Social Services Ministry got to be involved wid such a fraud,
Now another audit come up. Ghost vehicles collecting fuel. When de auditor check de list he see many vehicle park up and deh pun blocks. De auditors seh these were collecting diesel and gasoline.
De man believe that dem just gone in de workshop fuh different reason.
Wha tek de cake was when he see a few of dem wid no gas tanks. And when he dig further he find out that some of de other vehicles that was collecting fuel deh at Haags Bosch dump site, that same inferior dumpsite wha Bee Kay mek millions from although he ain’t done de wuk.
Somebody had to be buying de fuel wha de auditors couldn’t find. Dem boys suspect is that same Words Worth, who from de time you watch ee face you know that such a man had to get he money’s worth anywhere he deh or anywhere he go.
Dem boys also suspect that de amount of fuel could not go to any ordinary business. It had to be going to something major because is millions of gallons per month.
De only answer dem boys coulda come up with after hours of guessing was that same spirogyra company wha Joe ShanLin kuss, fuss, then tun round and kiss.
De one that tek de cake boys was when Jagdeo, this scamp, wha some people believe is de financial wizard, deny Cabinet had anything to do wid NIS money. De same Jagdeo seh he had nutten to do wid Clico money.
This man interfere and intervene in everything that had to do wid even $10. When he instruct NBS and de boss man refuse to put money in de Berbice Bridge Jagdeo cause de man to get charge and knockoff.
That was another ghost story that came to light just like de fuel and de pensioners.
Talk half and hope fuh an audit that gun bring out de ghost of Jagdeo’s wealth.

Discover more from Kaieteur News

Subscribe to get the latest posts sent to your email.

Latest News