GMC boss got MPs pumping

Jun 09, 2016 Dem Boys Seh, Features / Columnists, News

De fire people always seh that when you got a house, you got to change de electrical wiring every 20 years. In fact, everybody know that when you house get old is not only de wood does fall apart, de iron too, much less de electric wire.
Jagdeo sit down in Public Buildings fuh 23 years and he never think about changing de wire. De PNC get it when it was new and it get old by de time de PPP come out.
Fuh all dem years Jagdeo and de clique been deh he raise he pay, he spend money in Skeldon, he spend pun de Amaila Falls, he spend pun de Marriott, he even build he mansion at Pradoville2 but he never see it fit or wise to rewire Parliament Buildings.
Dem boys know why. He couldn’t spend money pun Parliament because he couldn’t get ee cut. All MPs was there and dem woulda see ee glaring cut and dem boys ain’t saying is which cut.
That is why de auditor cuss till he even invent new cuss words.
De auditor seh that de situation was repulsive, disgraceful and he sorry it didn’t ketch afire, wid all of dem inside.
Dem was de same MPs that mek de GM fuh GMC tell de nation how he spend $111M to buy fertilizer, but when de auditor check he find out that de man use de money fuh buy pumps fuh all of dem in parliament.
That is why plenty of dem don’t have pickney. Dem pump out de water in Parliament.
Talk half and hope dem can pump de water to put out de fire from de old wire.

Discover more from Kaieteur News

Subscribe to get the latest posts sent to your email.

Latest News