Hope de coalition not doing de same

Jun 05, 2016 Dem Boys Seh, Features / Columnists, News

You can’t control de wind but you can adjust your sails. That is a Yiddish proverb. Soulja Bai should tek note of that quote and it should wake him up.
In fact, that quote should wake up all of dem in de coalition.
Everything de Waterfalls paper exposed under de Jagdeo leadership and Donald Dumb platform tun out to be true. De audits expose everything in detail. It show how Jagdeo and Donald run de govt like if it was dem family business.
Dem employ dem daughters, dem sons, niece and nephew, sister-in-law and son-in-law. Mother-in-law and father-in-law, ajee and ajah, naanie and nana, boyfriend and girlfriend, brothers and sisters, and even Kwame types.
De audit expose de fat, fat, salaries dem use to get fuh doing nutten. Dem stories deh in de Waterfalls paper. On top of de fat, fat salary dem use to thief and produce fake bills and fake invoices to cover wha dem thief.
For example, de goat man daughter get a job in OP and never tun a straw.
One of dem sister who get retained as a lawyer get a retainer and still charge big money fuh a two-line letter. She even charge fuh just saying good morning to some of de Ministers.
Polourie Joe had two sons wukkin in de computer factory and all one of dem coulda do was play video games pun de computer.
De one at Hen See Hen give she husband $3 million in free advertising like if de place belong to she mudda.
Shaik Baksh was a trader. When he get de big wuk he still believe he was a trader who had to submit invoice to Customs. Dem boys hear he just sit down at he desk and dream up invoice.
He seh he carry people to dinner and even he didn’t go but he submit invoice fuh 10 people.
Dem boys hope Soulja Bai don’t submit fake orders to de police to charge all of dem lowlife.
Talk half and nuff more coming out.

Discover more from Kaieteur News

Subscribe to get the latest posts sent to your email.

Latest News