Dem boys seh...Is nuff fraud expose but nutten ain’t happening

Dem boys seh…Is nuff fraud expose but nutten ain’t happening

May 23, 2016 Dem Boys Seh, Features / Columnists, News

The talk all over de country is about de skullduggery and de coalition ain’t doing nutten. Dem not even saying anything. If dem boys didn’t know Soulja Bai dem woulda seh that he blind like Sam, dumb like Donald and Scampish like de Bar Rat.
De audit reports bring out so many things that every day de newspapers bringing de glaring fraud.
Just yesterday de papers report GMC give way money all over and don’t have any record. Hassan spend as if it was dem personal bank account. And is not three cents dem give away or spend. It amounts to hundreds of millions of dollars. And bout two month ago dem promote de man to a higher position.
Val Monkey Sing never answer when dem boys ask bout de radio licence. Dem never find him. At one stage dem boys believe he never wuk at de NFMU. Is only yesterday dem boys realize de man still at NFMU when de forensic report seh he never file annual report for the unit, something all state agencies must do yearly.
Dem boys learn through de report that he run de place like if is he personal business. He spend hundreds of millions here, there and everywhere that cannot be found or traced. When de auditor ask him to explain, he refuse to talk. He play dumb just like when people ask him bout de radio frequencies.
De auditor seh that at one time when dem ask him to explain something, he showing sign like if de police coming fuh put on de handcuff. All he do is shake he head.
Then you got de GEA boss man. Mahender Sharma grant export fuel licence and Sam Hinds push he mouth in de story. He write a letter saying he is de man who issue de export licence.
Donald Dumb follow Sam Hinds trend and write a letter about two months ago to de Auditor General telling him that he authorize de Chat-3 fuh tek taxpayers dollars and pay fuh all de English law books. Dem boys hear dem even use de taxpayers dollars to pay fuh all de volumes of Chinese law books.
He was preparing to defend BaiShan in de Chinese language. Sam and Donald think that dem can run scot free by defending people. Dem believe that because dem was president dem can’t get prosecute.
De coalition allowing all this to happen.
But little do they know that Soulja Bai instruct Rum Jattan to build a new fully air conditioned block in Camp Street fuh Sam, Donald and de Bar Rat.
Talk half and watch de hurrah.