Latest update June 6th, 2026 12:35 AM
Latest News
- 7-year-old boy’s throat slit …granny badly wounded during home invasion
- Govt. seeking $55 billion more four months after passing $1.558 trillion budget
- NOTICE TO READERS
- U.S. military shot down Iranian drones launched toward Strait of Hormuz
- Iran threatens to widen war as talks with the U.S. hit impasse
Vulgarity and lawlessness must stop
Everybody, man or woman, got a right to vote fuh who dem want. Dem boys hear people cussing one another in dem minibus because somebody seh he voting fuh a particular party.
People who is friends don’t even want to sit down next to one another. Family stop talk to family because of politics.
At de end of de day de country belong to everybody and all of we got to live. Dem boys remember an old saying in life, ‘Yuh win some and yuh lose some.’ That is de real life. People got to learn to lose and anybody who think dem can win and don’t lose is a fool.
Elections deh round de corner and dem boys don’t want no ill will and animosity or hate among each other.
Nobody want violence and most people don’t be comfortable spewing hate. But dem got some people can spew hate whole day, whole night.
Dem want to inflame. Dem boys see a ad and it upset dem. If de Waterfalls boss man did see it before he woulda never tek it. He seh that he will not publish it again, even if dem come wid ten times de cost. It lawless and vulgar.
De ad got a woman who pull she panty and peeing pun a piece of cloth wid couple colour that dem seh is a flag. Dem boys seh that such an ad design to inflame and to incite one another.
De last people who should do this is de leaders of de country—de politicians. Fuh a very long time Guyana never feel suh disappointed wid de wanna be leaders.
If you don’t like a party, and you not voting fuh a party keep away from de people. Let de people do dem thing. Keep you children away from big people business. It is more lawless to send you children to behave like thugs.
What message you teaching you children as parents? Shame at all-you. If you-all want to lead, then behave like leaders. When you see you followers, plus you children do stupidness pull dem up.
Dem boys got to move Guyana forward; ignorance, stupidity, violence and lawlessness will not take de country anywhere much less develop de country.
Talk half and stop de vulgarity.
Share this:
Discover more from Kaieteur News
Subscribe to get the latest posts sent to your email.