Latest update January 12th, 2026 12:30 AM
Latest News
- Ram warns Govt. against excessive spending as oil prices likely to dip further
- Cuba defiant after Trump says island to receive no more Venezuelan oil or money
- Change in Venezuela’s leadership will not alter oil trajectory, ease climate pressures
- Banks DIH opens $13.7B beer plant
- Norton refuses to make suggestions for 2026 budget
Donald ain’t got a mind of he own
Nov 12, 2014 Dem Boys Seh, Features / Columnists, News
Old people seh that life is not measured by the breaths we take, but by the moments that take our breath. There is another saying. “It’s not what you gather, but what you scatter that tells what kind of life you have lived!”
Jagdeo scatter nuff sh**t suh till a big load fall pun Donald head. He follow Jagdeo and get suh stupid that he run and cancel de same Parliament that give he power.
When Parliament pass a law is he got to sign it. But he get very crookish of lately. Dem boys coulda never believe that he woulda invite people to he house fuh dinner and lock up he house and go way.
That is wha he do to dem MPs. He send out notice de week before; he plan de date and everything to reconvene Parliament suh dem could have proppa dialog—not de log wha Bai Shan does ship out.
When he do that he had de nerve to seh that he shut parliament to have dialog wid de opposition. This got to be de strangest episode in de history of Guyana. Everybody, even de smallest child, know that is parliament all de dialog and discussions fuh de people business got to tek place.
How come Donald don’t know that? He tell de nation that he shut down de parliament to have dialog wid de opposition. Dem boys hear is de Goat Man and Jagdeo tell him to do that. De first meeting, dem boys hear, is at de house of de man who seh goat nah bit he.
From that house he plan fuh meet in de house of de man who Rohee seh got tremendous influence inside de PPP. Who is this man? This is de man who resemble de devil.
That is why dem boys seh that Donald is behaving like de thing that ain’t bite Rohee. He is president and he allowing a man who is a private citizen fuh tell he wha fuh do.
This is de same man who did holla pun Donald when he was GS (Goat Sh**t like Rohee now) and tell he fuh stick to running de party and lef he fuh run de government.
Now this man running de party, de government and Donald, plus Rohee. CN did use to seh pun he TV is a shad, shad shishuashan we in.
Talk half and pray fuh Guyana under Donald.
Discover more from Kaieteur News
Subscribe to get the latest posts sent to your email.