Latest update April 16th, 2026 12:40 AM
Dem boys seh… Anil learning to be like Jagdeo, a scamp
Monday, dem boys realize that nuff crook been to QC. Dem had nuff of dem in de assembly. Dem see Sam plus ammm; dem see Granger who is no stranger; dem see Priya without she Bhaia; dem see Ashni who is a nobody; but dem didn’t see Anil. He was too busy mekking plan fuh threaten de Waterfalls paper and de boss man.
Dem boys seh that dem now see why Guyana in such a state. From far back was QC people who been controlling de country. Dem had Burnham; dem had Cheddi. When de two of dem was at de top de country was bloody. Nuff people dead and nuff house bun down.
Now dem have Donald and Granger. De two of dem behaving like stranger. Dem can’t agree pun nutten when instead, she shoulda be like shirt button—tight, tight.
Jagdeo didn’t go to QC except when he tun president and dem ask he fuh mek a speech. De man tek de opportunity fuh go and sit down in a classroom fuh learn how to become a scamp, a crook and a thief. He tell dem boys that he did want to follow Forbes.
Today he get he desire and he got a few followers. All of dem trying to get into QC. Anil been deh and he seh how he now learning to be as smart as Jagdeo, a scamp.
Share this:
Discover more from Kaieteur News
Subscribe to get the latest posts sent to your email.