Latest update May 5th, 2026 12:35 AM
Latest News
- Soldier shot in river ambush
- Five years later Govt. still to settle US$214M audit dispute with Exxon
- Oil prices jump 6% as Iran sets UAE oil port ablaze, strikes vessels in Strait of Hormuz
- U.S. and Iran escalate attacks in Strait of Hormuz
- Guyana defends sovereignty at ICJ against Venezuela’s claims
Opposition refusing free trip
Old people does always seh be careful of what you ask for. De opposition does always grumble how government don’t allow dem fuh guh pun foreign trips.
If a foreign country invite ten Guyanese politicians de PPP does tek seven and give de other three to de Pee Hen See. De AFC never see one trip.
A big meeting come up in West Africa wheh Ebola tearing tail and got dead lying in de streets all over. De PPP suddenly get generous overnight and decide to send all de opposition people.
De AFC wha never get a trip to anywhere suddenly get a few tickets. One arrive fuh Moses and de rest went to de PNC. All of dem get big out of pocket allowance from de PPP.
This generous behaviour from de PPP shock de whole opposition. Dem boys seh that is not generous dem generous, dem know why dem sending only de opposition to West Africa at this moment.
Dem boys hear that none of de opposition people ain’t going fuh this kind of freeness.
Moses seh that he part de Red Sea, but he never cure Ebola, and certainly Ebola wouldn’t cure he. Basil Willy get a trip to London and he get excited. But he hear that is all dem Africans going to de same meeting, and so he tell Granger that he wouldn’t even send he mustache.
Dem boys never thought that dem woulda see de day when Basil woulda refuse such a trip. But even while all this trickery going on, scampishness deh afoot.
Dem boys hear that Bobby write Donald and tell he that he can cure Ebola. Donald tell he, “Let me send you deh right now.” Bobby call Bharrat and complain how Donald want send he to Africa to kill he.
Talk half and pray fuh yuh soul; Ebola is on a roll.
Share this:
Discover more from Kaieteur News
Subscribe to get the latest posts sent to your email.