Latest update June 4th, 2026 12:30 AM
Don’t molest you daughter
Going to school was fun some but problematic fuh others. Cee fuh Satar been in de last set. When de Rat give he de wuk he had to do a Maths test.
The test involve a picture that had grass and two coconut tree. De Rat ask, “Wha you would do wid dem coconut tree?”
Cee fuh Satar seh if me put a plus sign between dem, me gon get six. If me put a multiplication sign between dem, me gon get 9. De Rat seh “Boy you got de wuk.”
Since he get de wuk he putting plus and multiplication sign between some people record.
De Rat, he friends and family he does put minus sign. Fuh people like Uncle Adam and he daughter he does multiply then divide, and add.
Is de same thing wid Cee fuh Satar and de English language. Donald ask he fuh put up a report pun de emails that he want deny that he send. He jump up pun he desk, stamp up he foot and go fuh jump through de window.
Cee fuh Ceelee had to hold he back and calm he down. That is how Donald get one line from he. He try fuh play Freddie pun Donald because he use Freddie programme fuh type de one line.
Freddie programme is fuh use dem big words suh he gun look smart. De only thing is that he can’t spell and he nah know de meaning of dem same big word.
Talk half and hope that is only Maths and English people does play round wid and not wid dem own gyal pickney.
Share this:
Discover more from Kaieteur News
Subscribe to get the latest posts sent to your email.