Latest update August 18th, 2026 10:27 AM
Latest News
- ‘Time to change Exxon deal is now’ – Chris Ram
- ‘Fly-by-night’ company linked to Pres. Ali’s brother gets $3.9B in contracts in five days …$12.3B over following years, opposition alleges
- Iran threatens to go on offensive in Strait of Hormuz if diplomacy with US fails
- CSEC, CAPE results to be released today
- Govt. begs citizens to cut electricity use as blackouts surge
Dem boys seh…Bai Shaan planning to vote
Every day is something or as old people seh, if is not one thing is another. When Barama come, de government which was in de opposition, attack dem people wid a vengeance. Is only because everything was in order mek de company survive because soon after Barama come de opposition tun de government.
Now dem boys asking questions bout Bai Shaan that ain’t got nutten in order and de government defending dem so much that even if a lawyer want to get a share of de defence dem ain’t got no space.
Well dem boys decide fuh ask dem questions in parliament. Of course some people does lie in Parliament but dem boys know de answer suh dem gun know if people hiding de facts.
Of course, de Waterfalls boss man wish he can get to ask some of dem question but he is not a Hem Pee. He might have to pass de question to somebody but nobody can ask you question like you. Dem boys suggest that he print he questions in de papers.
Dem boys also notice that de government claiming how it love de Amerindians but it got Bai Shaan robbing dem same Amerindians. Well dem same people got a surprise fuh Donald. Dem seh that he want dem vote and if he got Bai Shaan robbing dem he gun have to go to Bai Shaan fuh de vote.
Of course some of dem Bai Shaan people got Guyana passport but de GECOM people want to see birth certificate.
Of course, de Hanna Rebel gun go to court again because he gun argue that once somebody is a citizen that person can vote.
Well dem boys gun want to see when these people come and when dem apply fuh citizenship. Is nuff laugh.
Talk half and wait fuh de whistle.
Share this:
Discover more from Kaieteur News
Subscribe to get the latest posts sent to your email.