Latest update August 29th, 2026 10:20 AM
Latest News
- Guyanese must see ExxonMobil disputed audit cost
- Canawaima back in service after days-long ban
- Indonesian nationals killed; 4 others injured in EBD smash-up
- Rescuers retrieve flood survivors caked in mud as death toll in Nepal-China border disaster climbs
- Tighter guard on oil fund needed as Guyana’s profits grow – Norton
Dem boys seh…Some people mouth does fly off de hook
Be careful what you say. People can always run away wid de wrang impression. Priya talk a lot of things de other night when she represent de Fareign Minister. De Ambassador was criticising de government fuh nuff things and de government people don’t like criticism.
De Waterfalls paper criticise dem and dem hate de paper. But like children and horror movie or country people and jumbie story dem gat to pick up de Waterfalls paper. Dem gat to see if wha dem do get expose.
Priya cuss de Ambassador in he own house. That never happen before. When people get invite to somebody house dem does always be respectful. Is de same thing when somebody dead. People don’t cuss de dead. Well dem boys seh that Priya bruck de mould.
If people did go to she house and cuss she, she and she whole family woulda beat that person out de house. She talk how de Ambassador preaching wha he don’t practice and de man just look at she and shake he head.
Well dem boys seh that she better don’t go to Little Guyana,in New York, cause dem people waiting fuh she. She trying fuh mek things bad fuh dem family who trying to get a visa.
She go out wid Jagdeo after he write de speech that she read at de Ambassador house and discuss how dem gon deal wid America. But dem is de very people who encourage de Americans fuh meddle in Guyana. Dem been in de opposition then and meddling was de order of de day.
Then she call Donald and he tun round and cuss de same ambassador who give he boats fuh de coast guard and who bring in de DEA. Up to yesterday he give de police more prags. Brazzy been deh and he see all de flags flying in de Eve Leary compound. Ash Knee been deh too.
Brazzy ask Ash Knee wha de first flag mean and Ash Knee tell he that it is de Golden Arrowhead. De man ask bout de second flag and Ash Knee tell he that is de police flag. When Brazzy ask bout de third flag, Ash Knee get vex. Then tell he that is fuh all who died in service. Brazzy ask if is morning church service or evening service.
Talk half and watch how you talking.
Share this:
Discover more from Kaieteur News
Subscribe to get the latest posts sent to your email.