Latest update May 5th, 2026 12:35 AM
Latest News
- Soldier shot in river ambush
- Five years later Govt. still to settle US$214M audit dispute with Exxon
- Oil prices jump 6% as Iran sets UAE oil port ablaze, strikes vessels in Strait of Hormuz
- U.S. and Iran escalate attacks in Strait of Hormuz
- Guyana defends sovereignty at ICJ against Venezuela’s claims
Dem boys seh…Bobby hiding and Glenny celebrating
When people get an award dem does be happy. Tek de Oscar; all who get nominated tun up and when dem name call dem run pun de stage fuh collect de award. Some of dem was so happy that dem cry.
Of course, dem put on dem best clothes and dem did want everybody see dem. Some of dem pose fuh de camera and when dem done dem had a party. But in Guyana dem got nuff people who hiding when dem get an award. Bobby is one. But this is not de first time he hide.
When he get de Premier League he was supposed to mek a tour of all dem country. De only time dem boys see he was when he meet some man fuh label de league. He call it Limacol. But after then he disappear like if he fall off de world. Even when the games done and was time to present dem trophies, there was no sign.
De other night he get an award from dem manufacturing people who bring Basdeo Panday. Of course dem boys seh that was a gathering of crooks wid one and two good people. Bobby get an award but he hide. Was like if he didn’t want people see he wid he colleagues.
De man get de president award which immediately mek people think bout Jagdeo. Of course Jagdeo didn’t buy it because he normally don’t buy nutten. Suh Bobby get this award. When de MC call he name people tun round fuh see de man because few people know he. Nobody ain’t get up and come forward.
When dem boys check round one of de people who hold de award tell dem that Bobby come back from Florida wheh he been wid Jagdeo but it look like if he ain’t lef Jagdeo side. Gafoor been and collect he own and he is a big man. He didn’t shame. Even Pritipaul who busy, send he son. But Bobby is a different kettle of fish.
But dem got more important thing to think about. Glenn budday is Sunday and Adam flying home because he can’t miss de day. He got to be wid Glenny. He bringing two rose from New York fuh present to Glenny.
Dem boys seh that de two of dem close more than Jagdeo and Bobby. Is 20 years dem deh suh close but dem boys ain’t saying nutten. Some of dem staff looking at dem funny and aint saying nuthin. Nobody want to miss out pun de budday drinks. Dem seh that every man to he own order.
Talk half and wish Glenny a happy budday wid Adam
Share this:
Discover more from Kaieteur News
Subscribe to get the latest posts sent to your email.