Latest update April 30th, 2026 12:30 AM
Latest News
- World Bank urges Guyana to guard against volatile revenues and spending surges
- U.S. Ambassador says American companies need peace of mind in Guyana
- Trump vows to maintain Iran blockade, Tehran threatens ‘practical’ action
- Man gets $8M for spending 80 days in jail wrongfully
- ‘Sue cops who demand bribes’ – AG Nandlall urges
Dem boys seh…Irfaat get ketch thiefing
Is a long time dem boys know that is sheer crooks deh in high places. Dem crooks get expose de other day and when other people woulda feel shame dem just don’t care. Irfaat and he kavakamites hustle off wid US$120,000. That is $24 million and dem ain’t had to do nutten. De money ain’t come from de budget.
Is when de word buss out that Chris Brown wasn’t coming that somebody talk bout de money that get thief out. Sharma, de Auditor General got to find it. He got to check de Lotto Funds and NICIL fuh know wheh lose money. He might also want to check NIS because money disappearing from that place like how ice does disappear from a bowl in de hot sun.
Irfaat was de fus one who decide fuh blame de opposition because Chris Brown wasn’t coming when he know damn well that dem never tie up a deal wid de singer. He cuss Granger, he cuss Ramjattan and he cuss Nigel. Dem boys seh that he behave like a thief man who thief and then decide fuh run wid de crowd hollering “Thief, Thief” like if he innocent.
Chris Brown people talk loud and clear that dem never finalise any agreement wid Guyana. De local people and Irfaat and all of dem decide fuh fool de people how Chris Brown coming suh that at de last moment when dem mek de announcement de people woulda done mek up dem mind to go to de show. That is de dishonesty.
Dem never complete de deal but dem hustle off de money. If Brown people seh that dem never tie up a deal who woulda tek de money. Uncle Sam don’t mek joke wid dem kinda thing and Chris Brown don’t want go back to jail.
He done seh that Irfaat and he kavakamites must show de receipt and dem must tell de people who collect de money. Dem boys want all of dem go to jail fuh thiefing and lying. But then again, once a thief and a liar, always a thief and a liar.
Now de people know how Irfaat and all of dem does lie. He claim how APNU lef young people wid sour face. Dem young people face sour because dem realize that dem get con.
Talk half and brace fuh more lie
Share this:
Discover more from Kaieteur News
Subscribe to get the latest posts sent to your email.