Latest update February 5th, 2026 12:35 AM

Guyana's largest selling daily and New York's most popular weekly

Latest News

Dem boys seh … Dem government people playing de con game

Nov 08, 2012 Dem Boys Seh, Features / Columnists, News

Dem con people does play a game wheh dem does holler, “This I win, this you lose.”  People does hear de chant and nuff of dem don’t understand wha de man saying. When de con man done wid he ‘This you win, this you lose” people does still put dem money.
Brazzy and he kavakamites playing de same game but he change de tune. He does chant “This dem win and that de nation lose all de tax dollars.”
He tell everybody a fancy story bout Fip, a man who had office in a garage. Fip collect he money and he gone. Now is de Marriott. Brazzy tell people how de government gun own de hotel de gamble place, de food house and de dancehall.
Then he play de kak game. He put one advertisement in de Chronicle wha he know nobody does read.
De ad seh how he giving away dem three things. He ask fuh expression of interest. In de same statement he seh he want operators.
Dem boys want fuh know wha that mean. He got to explain if he want operator or he want investor. Dem boys know is two different thing but Brazzy telling de nation that dem is one and de same.
Dem boys seh that de nation got to watch people like Brazzy and de Bees in dem mouth, dem nose and any place wha dem got that does mek noise like de thing under de cow tail.
Dem scampish, kakish and is de wuss people in this country and deserve fuh deh in jail.
Talk half and skin you eye pun dem kavakamites.

Discover more from Kaieteur News

Subscribe to get the latest posts sent to your email.

Similar Articles