Latest update June 1st, 2026 12:37 AM
Dem boys seh…Brazzy is a big spinner
Monkey know wha limb fuh jump pun. Brazzy now talking big how he ready fuh talk bout NICIL wid Prakash pun TV. He seh that he ready fuh talk all he know bout NICIL. He seh that he gun also talk bout Maasee.
De same Brazzy tell a reporter that he willing to talk to de Waterfalls paper including de Waterfalls boss man bout de Marriott and NICIL. De spit nah even dry in he mouth when he change he mind. He claim that he nevah seh that he promise to talk to anybody from de Waterfalls paper.
Dem boys seh that is not de fuss time he spin dem words. He tun a spinner. He spin pun Fip and FIP mess up and gone. He spin pun de new hospital, he spin pun de one laptop project, he spin pun de hydro and everything, even NICIL.
But de man don’t spin when it come to de Marriott, and de new airport. He does dance pun dem.
Dem boys seh that dem mustn’t talk pun Hen See Hen because dem have a way of cutting off people voice. And no hen mustn’t do de interview. Dem must have a proper man like Hen Rico wid a proppa voice.
Is funny how Brazzy just like de Rat. De Rat use to put spin pun anything but not everything. Like when dem boys ask him to explain de CLICO and de NBS money in de Berbice Bridge he run and hide. Even when dem boys seh that he does thief he put a spin pun that.
He mek de country get de name as thiefing state and of course is Bharrat Jagdeo mek that happen. He is de richest man in de region. Soon dem boys plan to reveal, everything little by little.
He alone own half of Guyana and wid he friends, dem own three-quarters of de country.
Talk half and keep de last quarter
Share this:
Discover more from Kaieteur News
Subscribe to get the latest posts sent to your email.