Latest update April 30th, 2026 12:30 AM
Latest News
- World Bank urges Guyana to guard against volatile revenues and spending surges
- U.S. Ambassador says American companies need peace of mind in Guyana
- Trump vows to maintain Iran blockade, Tehran threatens ‘practical’ action
- Man gets $8M for spending 80 days in jail wrongfully
- ‘Sue cops who demand bribes’ – AG Nandlall urges
Dem boys seh…Dem gone wid de NICIL money
De NICIL kitty empty. De Rat and he kavakamites know that dem was coming out suh dem start a cleanup campaign. De main man Brazzy and he second in command, Maasee, been in de thick of things. Dem help in de clean up till dem even clean up de drain outside de NICIL office.
Only coos coos lef in de jar. Dem boys seh that dem wouldn’t rest till dem see all of dem go to jail, even dem pickney and grand pickney. Dem boys know that it is not a nice thing fuh call jail pun people pickney but de things dem people do to de poor people of this country, wid de kind of money they were entrusted with, dem boys can’t help but calling jail right down to dem grand pickney too.
Yesterday dem boys seh that Brazzy would lose he shorts and Maasee gun lose she T-back. Today dem boys more vex when dem hear that de $50 billion disappear from de kitty jar. Dem boys seh that Brazzy and Maasee should enter de prison yard without underwear fuh that.
Dem boys hear couple night ago that Brazzy does sleep wid one eye open and one hand behind he back. That mean that he preparing fuh jail. Maasee is de other one. She not sleeping at all. She lie down wid one hand at de back and one at de front.
And all this happen because de Rat lef dem all alone suh dem better come clean. De Rat run away wid de whole jar. If dem want save dem flesh from being tampered with in prison, dem should come clean and speak de truth. De truth shall set you free. Not dem boys seh suh. De holy book seh suh.
As fuh dem soul, dem boys nah got control over that. Only de big man can help dem wid that. Dem boys advise dem fuh go down pun dem knees but don’t bow down; clasp dem hand and don’t close you effing eye to save that soul.
Talk half and pray fuh de other half.
Share this:
Discover more from Kaieteur News
Subscribe to get the latest posts sent to your email.