Latest update June 11th, 2026 12:40 AM
Latest News
- Development bank risks becoming welfare agency – former ambassador
- One dead, two suspects flee after botched Chinese supermarket robbery
- Baby drowns in pool of water at Cracrana Village, Region 9
- ‘Three months, no pay’ …Wales gas project bus drivers protest unpaid salaries
- Govt. backs down on rapists’ secrecy
Dem boys seh…De PPP getting a fancy hotel
De Marriott is a PPP project. De Rat tell de whole world suh. He seh that de project is a Public Private Partnership agreement. Right away Uncle Donald buy into de project because he is de head of de party. But at first when he hear ‘bout Marriott he question de rationale behind it. When de Rat tell he that is a PPP project he nah wait no more. He bite, bait, hook, line and sinker.
That is why Brazzy put a clause in de advertisement that reads: We ain’t necessarily have to take an investor. In short, is only PPP people dem want.
Sam apply fuh put he two cents in de Marriott, dem refuse and throw he out. Dem tell he that he was never a PPP. De news reach de Cultural Centre wheh dem people had de Link Show. As soon as he walk in dem and all throw out de man.
Is obvious that he deh too lang. He face become too familiar. People fed up looking up at he fuh all that time. Dem people tek he fuh a Link Show member.
Dem boys seh that same way how de people at de Cultural Centre disrespect Sam de same way de people should disrespect some of dem who seh that dem is leaders of this country. Some of dem refuse to answer legitimate questions about taxpayers’ dollars.
De Shaat man who does handle all de money don’t talk, and everybody seh how he disrespectful and that is why dem gun disrespect he.
He is not de only one who know ‘bout money. Roti and Henry know bout money too. And dem boys see how de cheque write fuh de $90 million. Somebody write de cheque in dem name. De money was to feed policemen during de elections and de cost was high. Roti and Henry can eat even and straight wid each other.
Now dem boys believe that de $90 million was split in two, straight down de middle. De cheque wha Ramnarine get didn’t come from that. It come from de Welfare fund. Dem boys want to know who dem was fooling.
Talk half and watch how de money spending.
Share this:
Discover more from Kaieteur News
Subscribe to get the latest posts sent to your email.