Latest update April 22nd, 2026 12:49 AM
Latest News
- Wales gas plant contractor now wants US$250M more to complete project by year-end
- Appeal Court to decide on Exxon’s role in citizen’s challenge to Govt. for oil sector information
- Chinese acrobatic troupe dazzles Guyanese
- President Trump announces Iran ceasefire extension
- CCJ hears arguments on “vitriolic” bias in Mohameds’ extradition case
Dem boys seh…Rob Bert peeping through Ohh Pee window
Man does do anything fuh stay in power. Ask de rat. Dem boys seh he try every thing he know. He even try wha he think he know; he try wha he don’t know.
Now Manny in de same boat. He decide fuh try Facebook. Dem boys find out that he call all he staff and he tell dem that dem should go on Facebook and write only nice things bout he. He tell dem fuh write how he is de best Minister and how Donald should give he back he wuk as Minister.
He woulda get de wuk but he mek a mistake. He beg dem letter writer from de Ohh Pee factory fuh write nice thing too. And dem tell de Donald.
Dem been tell de Donald pun Rob-Bert too. That was a man who photo use to deh in every paper and pun all dem TV every day. That is because he use to write he own story, he own letter and send out he own press release.
Every day was no less than ten e-mail and all was about inspection. He inspect koker, he inspect plant and seed, and even de other day he inspect rice going to Venezuela. He stand up pun John Fernandes wharf watching de rice getting load pun de boat and that was news.
Dem boys seh that if people see how he pose. But when dem ask he bout dem contract he couldn’t pose. That is why Donald kick he.
This was de man dem use to call de Hanna Rebel Rob Bert—MBA. Dem boys seh that even de MBA was a fraud. De MBA he got stand fuh Money Buy Anything. And dem boys believe that he buy that too.
Well this same Rob Bert ain’t send out a single press release. Dem boys want to know if he wukking. Dem boys seh that dem couldn’t believe that people ketch he peeping through a louvre from Ohh Pee looking over at de Agriculture Ministry.
People believe that he miss de money. He did just done fix up he fancy office at Agri now is Leslie sitting inside and Donald ain’t even give he one at Ohh Pee.
Talk half. Lef half.
Share this:
Discover more from Kaieteur News
Subscribe to get the latest posts sent to your email.