Latest update September 30th, 2026 10:27 AM
Latest News
- Oil prices fall on signs Middle East crude flows recovering
- NRF oversight committee appointed without National Assembly nominee
- Corentyne man hacked to death during family fued
- Two foreigners held over illegal mining along Siparuni Riverbank
- WIN, AFC call for independent probe into sexual assault allegations against Karimbaksh
Dem boys seh…Is more madness again
Election time people does use anything fuh talk. De other night de Goat man stand up in a truck that dem does use fuh carry cow to pound. And he talk to about ten people, all of dem who tekking a drink and want a change from de rum shop because de music wasn’t good.
But dem boys seh that dem truck does smell. De Goat man was talking in Broad Street and that is one area wheh dem cows does walk pun de road every night. When de Goat man put de truck all dem cow disappear. One of dem was coming round de corner and like when it smell de cart it mek a sudden turn and start a sprint up de road.
Dem other cow didn’t wait fuh ask de other cow wha happen. Dem start one running too. Was confusion.
De APNU people guh in Alexander Village fuh dem meeting. All of a sudden de koker break away and water start fuh flood out de meeting place. De speaker try fuh show that he serious bout he speech and he stand up. He nearly drown.
De AFC man get a message and he climb up in a tree fuh start he speech. De microphone couldn’t reach suh he end up talking to some green mango.
But is C.N. He campaign don’t lef he studio. He accustom to use de TV. Dem boys didn’t hear nutten bout he and is when he complain that whenever he got to start he campaign is blackout that dem boys know wha happening.
Now de manifesto coming out. Everybody promising. One man promise that everybody gun get a car if he get elected. Dem boys seh that he telling people that he an all gun thief.
But is de man who promise to mek divorce easy. He plan fuh tek everybody wife. Which party he from? He is a man who does win he seat and give it away.
Talk half. Lef half.
Share this:
Discover more from Kaieteur News
Subscribe to get the latest posts sent to your email.