Latest update August 6th, 2026 12:18 AM
Latest News
- Orealla man missing after leaving Region Seven worksite
- Over 500 girls sought emergency protection from abuse since 2020 – Minister Persaud
- 28 Peace corps volunteers sworn-in
- Pres. Ali unveils plan to turn Kaneville into Guyana’s first ‘model community’
- Family rejects police account, demands justice for horse trainer killed in Berbice crash
Dem boys seh…Bar-Rat eat wid a Congo man
Dem got a folk song “Me nah dead and dem ah pick me bones”. De police force ban de song. De choir use to sing it when dem had concert but since Henry de Yellow get sick and dem boys line up to tek de wuk he get vex.
De man come off he sick bed when he hear that people start fuh jostle fuh de wuk. Dem boys seh that four people start fuh argue who should get de wuk. People even line up dem backing.
One man even send to de hospital fuh get Henry medical record fuh give Bar-Rat. That is why de choir start fuh sing ‘Me nah dead yet.’
And Rob-Bert ban anybody who singing ‘Promises, Promises’. He tell Chris that he gun allow fuh a forensic audit of de Enmore Packaging Plant. He mek big statement that he ain’t bluffing.
Chris get up he choir and start fuh sing ‘Promises, Promises’. De audit ain’t start yet and it ain’t look like it gun start.
Dem boys seh that if dem only get de audit de Guysuco people gun sing, ‘All in the Game’ because ‘Many a tear has to fall’
Even Bar-Rat singing. He go to Congo and from de time he come off de plane he sing, “I envy de Congo Man” That is really why he go. He hear that dem have white meat. But that was lang time.
De Congo man decide that these days he got to eat any meat. Bar-Rat eat any meat too. He even eat a Congo man. And dem boys seh that while Bar-Rat was there de Congo man eat too. He eat till he stomach upset. Who he eat?
Talk half. Lef half.
Share this:
Discover more from Kaieteur News
Subscribe to get the latest posts sent to your email.