Latest update April 28th, 2026 12:30 AM
Dem boys seh… Bin Laden lef a list
People wake up and hear that Osama bin Laden get kill and dem was shocked. Dem want fuh know how dem Americans ketch a man dem was looking for more than ten years suddenly get careless.
But at de same time dem had some people who get frighten. Dem realise that dem Americans want somebody and dem deh in hell that person gun get ketch.
Bharrat who does cuss de Americans every time, rush and mek congratulatory statement. He try fuh call Obama but de secretary tell he that she sorry how de President don’t know de name.
When he put on Kwame some other body who answer de phone tell de FBI that some crank caller deh pun de line and how he calling on behalf of some man name Bharrat who nobody don’t even know.
Dem boys seh that Guyana like fuh copy wha everybody do. De Americans hunt down and kill Osama. De next day de police tackle a man in he own house and shoot he and kill he. Then dem decide to take de body wid dem just like how de Americans tek bin Laden body.
But dem boys seh that dem wouldn’t be surprised if one night dem sleeping and dem hear helicopter. Dem same Americans already seh that a Guyanese is one of bin Laden big ones and dem seh that de man living at Pradoville.
De man bad and now that de Americans get bin laden computer dem might find nuff names. Dem boys seh some people already packing dem bag fuh disappear. Dem hoping that Osama forget to write down dem name.
But some people hoping that Kwame name mention. He did write to bin Laden fuh a Muslim partner—preferably a man. He done sew de kemar.
Talk half. Lef half.
Share this:
Discover more from Kaieteur News
Subscribe to get the latest posts sent to your email.