Latest update May 22nd, 2026 12:38 AM
Dem boys seh….Clem name call
Clem gone and he still ain’t talk. When he been pun de TV he always threaten to call de names of all dem scampish people.
De man use to expose things like wrongdoings and he always threaten to expose dem by calling dem names.
Dem boys seh that he come and dead and he still ain’t call no name. He had to be a secret agent because no body never know de name of all dem who Clem promise to expose.
One day he talk about some crookishness that happen at Bourda Market and he tell de nation how he got de names. People wait and wait throughout de show de next day. No name.
People think that he lef de name wid de CN at de TV station. Dem boys want fuh know if CN got de names now.
Before he lef this time he did call two names. Dem boys seh that he call he wife name but he get no response. He groan “Oh God.” There and then de Creator seh come here and is gone he gone. De Creator tell he that all de time he talking pun TV I did waiting fuh you call me name.
Dem boys seh that dem want fuh know who next de Creator waiting fuh. Dem boys know. He deh in Canada.
Dem boys she that dem got a man who does go to church steady. He is a big thing at GPL. He does promise to talk and still don’t talk. De Creator watching he and he boss.
Talk half. Lef half.
Share this:
Discover more from Kaieteur News
Subscribe to get the latest posts sent to your email.