Latest update April 28th, 2026 12:30 AM
Dem boys seh…Uncle Freddie run from Eddie
People does run from rain; some does run from smoke but de smart ones does run from trouble. And when dem frighten dem does run more fast.
Dem boys know Uncle Freddie long. When dem know he he mother use to call he Eddie but she notice that he was a frighten child and that is how he get de name Freddie which is de short fuh Frighten Eddie.
De other day he go to National Hardware and he meet Eddie Boyer. De man seh ‘Boo’ and Freddie run like if de devil was behind he. He run to de Ruimveldt Police Station. And Eddie deh right behind he. Freddie nearly dead.
Dem boys ask he why he frighten Eddie and he tell dem how de man did promise to beat he fuh writing nonsense in de paper. He tell dem boys that he decide that he stop writing anything ‘bout Boyer and he business.
Well since he run to the police, he believe that dem woulda keep Eddie but that wasn’t de case. Boyer get bail and Freddie run again when de man walk out de station.
He decide that he gun stay home from now on and beg other people to do he shopping because he seh that he don’t know who gun mek he run this time.
Dem boys seh that thank God Bharrat ain’t got a shop.
Talk half. Lef half.
Share this:
Discover more from Kaieteur News
Subscribe to get the latest posts sent to your email.