Latest update June 4th, 2026 12:30 AM
Dem boys seh… Manny putting out de works
De news come out. Bucket announce that dem sending an ambassador to Kuwait and is not Kwame. Dem boys seh that it was to be Kwame but when Prince William announce he engagement and Bharrat decide that he sending Kwame as de gift de had to find another ambassador.
She didn’t call de name but dem boys seh that is Ambassador Dabydeen. He is de man who nominate Bharrat fuh de Nobel Prize and although Bharrat lose de nomination Dabydeen get he reward. Is de same Dabydeen who get de nod to Kuwait.
He is now Dabydeen al Short Man al Smart.
Back home Manny de Ram trying fuh get a national award. He invite de whole world fuh light up he Christmas tree. Everybody got a real tree and he got one mek out of wire.
Dem boys gun tun up because de drinks gun flow like water. Last year was de same thing. De licker cost more than de tree and de lights and even de light bill that come in.
De licks that share after then was a joy to behold. Nuff big man cry. Bharrat get vex suh Manny de Ram spend de whole year begging fuh de money. He boasting that this year he gun mek de Courts lights look like stupidness.
Talk half. Lef half.
Share this:
Discover more from Kaieteur News
Subscribe to get the latest posts sent to your email.