Dem boys seh....Ashni vex

Dem boys seh….Ashni vex

Jun 28, 2010 Dem Boys Seh, Features / Columnists, News

Ashni can really fret. He tek on de World Bank representative because de man talk to de Waterfalls paper bout how de government never ask de World Bank fuh help wid de hydro. Is true but Ashni still get vex.

And dem boys seh that cuss don’t have back door. De World Bank got more money than Guyana but Ashni cuss de people how dem move from a li’l office to a big one. He office more big than de people own but he still cuss dem.

And he cuss de Waterfalls paper too. He claim how de paper got an insatiable appetite fuh de sensational. Well, de whole Guyana got a big appetite fuh de sensational. Ashni was de one who ask if de Waterfalls boss man got nuff money and he want to know if de man get he money from de Government. That woulda be a sensation.

Things now reach de stage wheh dem boys seh that de whole government listening in pun people conversation. Now dem boys want to know why dem listening in pun de conversation if is not fuh create sensation.

When dem get certain news dem does mek a sensation pun de blog. Ashni does give information fuh mek de sensation and he talking bout de Waterfalls paper. Dem boys won’t worry wid he because he busy counting how much Fip owe he and de government.

Talk half. Lef half.

Discover more from Kaieteur News

Subscribe to get the latest posts sent to your email.

Latest News