Nuff thiefing going on

Oct 06, 2009 Dem Boys Seh, Features / Columnists

Dem boys seh that when whores and thieves fall out is nuff big story does come out. GPL does thief people money and GRA does thief people money. GPL does thief smarty but GRA does push dem whole hand in you safe. And who nah got safe, dem go in you pocket and tek out everything.

Well GRA decide to thief from GPL. Was one big cuss down story. Dem, boys seh dat de cussing was about who was de biggest thief.

And de thiefing nah done. This time is de big man thiefing and he showing dem how to thief. Now dem have money in de safe in de Ministry near KP Thomas old office. He tek money and he decide to give de Hard Time paper and de Chronicle. Combined de two paper don’t reach 6,000. That is less than de paper that de Waterfalls paper and de Big Market paper does give away as complimentary.

Dem boys want to know if that ain’t thiefing then everybody in Guyana honest so till dem don’t even need to go to church.

And de Hard Time paper ain’t even getting fat. Instead, de boss man dem getting fat, though.

Talk half. Lef half.

Discover more from Kaieteur News

Subscribe to get the latest posts sent to your email.

Latest News