Latest update February 7th, 2025 5:31 AM

Guyana's largest selling daily and New York's most popular weekly

Latest News

Everybody digging

Mar 20, 2009 Dem Boys Seh, Features / Columnists

If you see how de man run. And is de Waterfalls paper mek he run. Dem boys talking bout de man who come fuh do de polygraph. When he come he sneak in and Roger de Lunch Man put he up in Pegasus. De people at de airport didn’t even know who was de man. All dem claim is that a foreign visitor come because de Lunch Man tell he to claim how he come as an advisor to de government.
He set up he stuff at Grand Coastal and he pick pun CANU. Yesterday Bharrat announce how some more CANU people fail because dem give answers that didn’t match up to wha de man want to hear.
Then he tek de police and de same results appear. One Christian policeman fail because he tell de people how he can’t lie. Right away de machine claim de man had to be a liar because everybody does lie, even de man who conducting de test.
De next set of people was de Customs people. Dem is some of de biggest scamp because three months after dem join de wuk dem can buy minibus and six months after that, dem can buy a house. De man decide that he gun have a field day.
Roger de Lunch Man start fuh prepare dem and he set up a new set of question. De people refuse fuh tek de test. One man claim that he gun tek it if Khurshid tek it.
Dem boys seh that while de man waiting fuh de Customs he decide that he gun tackle de airport people. Is then de newspaper buss out de story and is then de man run because he suspect that if he did try anything else he couldn’t pass through de airport unless he had de army wid he.
But de mischief was already done. Anyhow, de machine lef in Guyana and Bharrat looking fuh people fuh operate it. Dem boys seh that Khurshid should be de fittest person since he above reproach.
But one man want to know how because he was de man who use to give instruction to pull dem businessman file and when dem hear and call he, he use to deny. Pressure mek he stop but de Auditor General now doing de pulling like when dentist pulling teeth.
He pull a man file and de man decide that he gun do he own investigation. Was de same AG who name Sharma that dem boys capture in a cartoon digging round a table near weh Bharrat sitting. He claim how he digging up everything.
Well dem boys dig up he file and dem find that he eyes used to close down at certain time of de day after he drink something. Is de eye shutting down that mek he stop drinking that thing.
Dem boys also find that he got to go every day to de Robb Street headquarters like if dem have books there to audit. He is a decent man and he shouldn’t tek using. After all he ain’t no spade or shovel fuh deh digging all de time.
De lady at Clico had to dig up because de people who she use to pay get vex wid she when she tell dem that dem get knock off fuh save money. Dem boys want to know how she can tek $6 billion and send it away and knocking off people to save a few hundred dollar.
One man claim how he gun buy a plane ticket fuh she go to de Bahamas fuh bring back de money she send there. Another man promise fuh seize de big jeep she driving.
Is Clico money buy that jeep and de staff who get knock off claim how de woman shoulda be good enough to surrender de jeep, which coulda sell and bring in a bright small piece.
But if Clico had all that money when Trinidad start fuh seize de assets how come it ain’t got none now? That is wha dem boys want to know. And since Bharrat guarantee all de money, why people got to get knock off?
Things strange and something ain’t right.
Talk half. Lef half.

Similar Articles

The Glenn Lall Show | February, 3rd, 2025

Follow on Tik Tok @Glennlall

THE BLUNT OF THE DAY

Sports

EBDCA/D&R Construction 40-Over Cricket Competition continues

EBDCA/D&R Construction 40-Over Cricket Competition continues

Feb 06, 2025

-Jaikarran, Bookie, Daniram amongst the runs Kaieteur Sports-The East Bank Demerara Cricket Association/D&R Construction and Machinery Rental 40-Over Cricket Competition, which began on January...
Read More
GFF announces final squad for Concacaf U-17 Men’s World Cup qualifiers

GFF announces final squad for Concacaf U-17...

Feb 06, 2025

Cricket West Indies announces exciting 2025 schedule for Senior Men’s and Women’s Teams

Cricket West Indies announces exciting 2025...

Feb 06, 2025

BCA, GCB to attend CWI meeting on February 9

BCA, GCB to attend CWI meeting on February 9

Feb 05, 2025

Bolstered Harpy Eagles eyeing perfect home record as stars return to XI

Bolstered Harpy Eagles eyeing perfect home record...

Feb 05, 2025

Hockey PAHF Junior Challenge schedule released

Hockey PAHF Junior Challenge schedule released

Feb 05, 2025

Features/Columnists

  • Land, taxes and penalties

    Peeping Tom… Kaieteur News-The American humorist Will Rogers once remarked that the best investment on earth is earth... more

Publisher’s Note

Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.

Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]

Weekend Cartoon

Bridge Watch

Demerara Harbour Bridge

> Berbice Bridge […]