Bharrat ban shoes from he press conference

Dec 19, 2008 Dem Boys Seh, Features / Columnists

Couple weeks back Roger de Lunch man announce big and bold that de government would hold one giant party fuh all dem public servants.

That woulda mean that somebody woulda buy gallons of licker and organise tons of food. Dem woulda have to hire about six music sets because de only place dem coulda hold such a party woulda be de stadium or de National Park.

Somebody did suggest de Botanical Gardens but Robert de weatherman tell dem that inclement weather would prevail and dem woulda have to find place to shelter. Of course two people, Gail and Prem, whisper to Bharrat that he should hold de party at Castellani House because dem don’t see too good to drive at night.
Anyhow, de party call off because all dem caterer book up wid de private people party. Some of dem still weary from cooking fuh de party that de Waterfall Paper hold Monday night.

Of course, Bharrat went overseas on a round de world trip that start in New York and end up in Brazil. He go to New York fuh some finance meeting, then he go to Europe—till to Poland—to talk bout climate change and how Guyana got to get money because it holding back de climate change.

While he in Poland George Bush decide that he gun enjoy de last bit of freeness. He tek a trip pun Air Force One to Iraq of all places. Dem boys seh that he had to go and see how de country get after he get rid of Saddam Hussein who he seh nearly kill he father.

Well that was a big mistake because dem have reporters who still vex because dem claim how innocent people dead.

And because of that visit Bharrat ban anybody who wearing shoes from attending any press conference. He already ban Moseley. Dem boys seh that he was watching TV when he see a reporter pelt George Bush with two shoes.

Bush use to play dodge ball when he was a li’l boy because when de fuss shoes come if he didn’t duck it woulda knock he in he face. Was de fuss time anybody ever pelt de most important man in de country.

De fuss shoes barely lef de reporter hand when de man shy de second one. Was confusion in de place. Even dem American reporters who very proud of dem country and dem leaders now mekking joke bout de situation.

Is then Bharrat decide that nobody ain’t pelting he wid shoes. All reporters who entering fuh a press conference got to lef dem shoes at de gate in de same way how dem have to lef dem cell phone wid de security.

At de press conference he got to talk bout flood because he spend plenty money fuh avoid wha happen in 2005. Dem boys seh that he gun have to explain how a man drown under he own bottom house.

This man tek up he likker and go home. He can’t climb de steps suh he decide that he gun bed down under de house till he sober up. Bad luck fuh he, rain fall and of course, de place flood and de water run under de bottom house.

Is a neighbour who see de man still lying down in de water who raise de alarm because she see when de man lie down under de bottom house and now that dem have water all round he, he still lying down.

De man name Lall and de man who own de Waterfalls paper name Lall. Dem boys want to know if is family and if that is de case, how come this one does drink so much.

De Waterfalls paper boss man disown he right away. He tell dem boys that is nah one dog name Pompey. And in any case de man who drown name mean Leading All Likker Lovers, while he own merely mean Lall—jus Lall.

And dem boys want to know how City Hall can quarrel because de arbitration panel rule that dem have to pay increase to de workers and still want to manage two pumps, one at Liliendaal, when de very council ain’t got money to buy fuel.
Talk half. Lef half.

Latest News

Bharrat ban shoes from he press conference

Related

Similar Articles

The Glenn Lall Show|| February, 14th, 2025

Follow on Tik Tok @Glennlall

THE BLUNT OF THE DAY

Sports

Girls’ Hockey team selected for 2025 PAHF Jr Challenge

Matthew Moore and Joshua John cop Best Lifters...

Imlach, Permaul among top 10 in batting/bowling...

GFF personnel participate in FIFA Concussion...

OVER-50s WORLD CUP – ROUND 6 ROUND-UP

Pepsi/Michael Parris U16 Tournament returns on...

Features/Columnists

Mashramani must break from the shackles of imitation

CARICOM Nations Should Respond Together To new U.S. Policies

Big fish corruption

Publisher’s Note

Weekend Cartoon

Bridge Watch

Demerara Harbour Bridge

> Berbice Bridge […]

Bharrat ban shoes from he press conference

Share this:

Related

Similar Articles

The Glenn Lall Show|| February, 14th, 2025

Follow on Tik Tok @Glennlall

THE BLUNT OF THE DAY

Sports

Features/Columnists

Publisher’s Note

Weekend Cartoon

Bridge Watch

Demerara Harbour Bridge

> Berbice Bridge […]