Social media becoming a virtual reality

Aug 13, 2025 Dem Boys Seh, Features / Columnists

Kaieteur News – Dem Boys frighten to go on social media dese days. The amount of questions yuh gat to answer does mek yuh feel like you in a witness box.

Facebook always asking, “Wha pon yuh mind?”

Twitter deh, “Wha going on?”

Google nosy, “Wheh you deh?”

Siri and Alexa hollering, “Talk to me nah!”

Bai, de internet turning into one online wife — all it missing is, “You hear me talking to you?”

Dem boys seh one man give up Facebook fuh de New Year. But he still keeping de same style.

Every day he walking down Regent Street telling people wha he eat, how he feeling, wha he do last night, and wha he gon do tomorrow. Then he shoving pictures in dem hand of he wife, he dog, and he backyard garden.

When he hear people talking, he jumping in, telling dem, “I love yuh.”

Bai, it wukking! He get three followers already — two police and a psychiatrist. Dem boys seh by next week, he might get a room… but it gon be at Fort Canje.

It remind dem boys of de time granny deh pon she dying bed tell she grandson, “Ah leaving you me farm — de chickens, all de cow and sheep, de crops, de tractor, de combine and all de tools, de house, and $24,548,750.45 in cash.”

De grandson nearly faint. He seh, “Lawd, Granny, you so generous! Ah didn’t even know you had a farm. Wheh it deh?”

With she last breath, Granny whisper, “Pon Facebook… in me FarmVille account.”

Talk half. Leff half

Discover more from Kaieteur News

Subscribe to get the latest posts sent to your email.

Dem Boys Seh, psychiatrist, social media, Virtual reality

Latest News

Listen to the The Glenn Lall Show

Follow on Tik Tok @Glennlall

THE BLUNT OF THE DAY

Sports

Ming and Ten-Pow headline MPS Kart Revival at Thomas Lands

VIEW ALL SPORTS

Features/Columnists

The U.S. has been known to lack solid evidence

Sir. Ronald Sanders

The Cost of Silence: How the OAS is Undermining its Own Relevance

The GHK Lall Column

Tis the week of Judas

Publisher’s Note

Weekend Cartoon

Bridge Watch

> Berbice Bridge […]