Latest update December 3rd, 2024 1:00 AM

Guyana's largest selling daily and New York's most popular weekly

Latest News

Walkin’ de road is like playin’ Russian Roulette

Dec 03, 2024 Dem Boys Seh, Features / Columnists

…Dem Boys Seh 

Kaieteur News- Dem boys seh de road dangerous like de Amazon jungle, but worse, because at least in de jungle you got chance wid jaguar and snake. Pon de road? No chance at all! Yuh step out fuh a lil exercise in de cool morning breeze, and BAM! Truck done use yuh as speed bump.

Dis morning walk business turn life and death affair. De other day, one man tie he sneakers tight, seh he going fuh mek a healthy start. He lef home whole, but when he reach back, is only half he body show up. De other half deh somewhere under a canter. People seh exercise good fuh de heart, but not when yuh heart stop because ah fright!

Dem drivers pon de road behave like dem running Indy 500. Truck, car, bicycle, donkey cart—everybody feel dem got right fuh overtake and undertaker. Yuh ever notice? Is always de one who feel dem late who end up in de gate. Dem gatekeepers at de cemetery working overtime!

But dem boys seh is not just de drivers. De pedestrians, too, got no respect fuh dem own life. Yuh crossing de road like yuh Moses parting de Red Sea, expectin’ de traffic gon just stop like de waters. And yuh standing by de zebra crossing? Forget it! De drivers seh de stripes pon de road is decoration, not instruction.

Dem Boys Seh some people does born with luck. No matter how many accident dem get in, dem does emerge without a scratch. Dem boys remember de case of two drivers, a man and a woman. Dem driving different cars and end up in a big smash-up pon de road. De accident bad, bad—cars mash up like old sardine tin—but dem two ain’t get a scratch.

De woman crawl out she car, watch de scene, and seh, “Wow, look at dis! Dem cars done finish, but we still alive. Dis got to be a sign from God dat we supposed to meet and live in peace.”

De man nod quick, “Yes, yes! A sign from above!”

De woman smile big, like she just win lotto, and seh, “And look at dis miracle! Meh car mash up, but dis bottle ah wine survive. God seh we must drink and celebrate life!”

She hand de wine to de man. He tek it, pop de cork, and guh to town pon it, drinkin’ half de bottle in one go. Then he pass it back like a gentleman, “Your turn!”

De woman laugh lil bit and seh, “Oh no, I good. I gon wait fuh de police.”

Dem boys seh dat man sober up quick when he realize wha just happen. He start fuh sweat, and is not because ah de wine.  But not everyone suh smart or so lucky to survive an accident. So  dem boys seh that before yuh leave de house, write yuh Will. Hug yuh family. Kiss yuh dog. Because walking pon Guyana road is like playing Russian roulette—except every chamber got bullet. Stay safe, or better yet, stay home. Yuh life worth more dan a morning jog.

Talk half. Leff half

(Walkin’ de road is like playin’ Russian Roulette)

Similar Articles

Leave a Reply

Your email address will not be published. Required fields are marked *

The Glenn Lall Show | December, 2nd, 2024

Follow on Tik Tok @Glennlall

 

THE BLUNT OF THE DAY

Sports

Rana five-for and enterprising batting put Bangladesh in the driver’s seat

Rana five-for and enterprising batting put Bangladesh in the...

Dec 03, 2024

ESPNcricinfo – Bangladesh’s counter-attacking batting and accurate fast bowling gave them their best day on this West Indies tour so far. At stumps on the third day of the Jamaica Test,...
Read More
ANSA McAL on board with inaugural National Futsal C/ship

ANSA McAL on board with inaugural National Futsal...

Dec 03, 2024

GBF unveils squad for 2024 FIBA 3×3 AmeriCup in Puerto Rico

GBF unveils squad for 2024 FIBA 3×3 AmeriCup...

Dec 03, 2024

Someash Boyer benefits from Project “Cricket Gear for young and promising cricketers in Guyana”

Someash Boyer benefits from Project “Cricket...

Dec 03, 2024

Several athletes and coaches aiming to benefit from India’s JAIN University scholarships

Several athletes and coaches aiming to benefit...

Dec 03, 2024

GAPLF congratulates Dominic Tyrell for taking Sportsman of the Year runner-up  

GAPLF congratulates Dominic Tyrell for taking...

Dec 03, 2024

Features/Columnists

  • Morally Right. Legally wrong

    …Peeping Tom Morally Right. Legally wrong Kaieteur News- The situation concerning the disputed parliamentary seat held... more

Publisher’s Note

Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.

Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]

Weekend Cartoon

Bridge Watch

Demerara Harbour Bridge

> Berbice Bridge […]