Latest update November 24th, 2024 1:00 AM

Guyana's largest selling daily and New York's most popular weekly

Latest News

Customer Parking Turn Staff Parking

Nov 24, 2024 Dem Boys Seh, Features / Columnists

…Dem Boys Seh

Kaieteur News- Dem boys seh one time gone, only de big boss used to drive car to work. De clerks and de messengers? Dem used to tek public transport and glad fuh catch a minibus wid decent music and no cuss-out conductor. But today? Every Tom, Dick, and Harry got car. Clerks rolling up to work in dem second-hand import like dem is CEOs.

De problem now is dat de same parking lot dat de boss build fuh customers turn staff quarters fuh car. Dem clerks coming early, parking neat-neat in de prime spots, and when customers come, dem gotta circle like vulture looking fuh space. By de time you find one, you vex and done forget what you come fuh buy.

Dem boys seh some clerks even bold. Dem custom to parking fuh free now, so when de company tell dem, “Leave de parking fuh customers,” dem vex! One man seh he had to start parking pon de roadside, but when he come out, he get clamp. He bawling how de boss ain’t care about staff, but he nah care about de paying customers neither.

Dis parking ting get outta hand. Dem boys seh de boss gotta start charging fuh staff parking or build dem a separate lot. Otherwise, de next time you go shopping, you might as well tek a bus, because by de time you find parking, de store done close.

Some persons does pray fuh find parking. One man was hunting parking outside he favourite rum shop one busy Friday night. De place pack up like Bourda Market at Christmas time, and he circling de block till he ready fuh give up.

In he frustration, de man look up to heaven and seh, “Lord, help a man out here. If you find me a parking space, I gon come church every Sunday, just how a good man should.”

As soon as he done seh dem words, wah you think happen? A car reverse out right in front of de bar, clear-clear like magic. De man watch de empty spot, then he look back up to de sky and seh, “Oh, never mind, boss. I just find one meself.”

Talk half, park far!

(Customer Parking Turn Staff Parking)

Similar Articles

Leave a Reply

Your email address will not be published. Required fields are marked *

The Glenn Lall Show | November, 20th, 2024

Follow on Tik Tok @Glennlall

THE BLUNT OF THE DAY

Sports

DDL signs new 5-year collective labour agreement with unions

DDL signs new 5-year collective labour agreement with unions

Nov 24, 2024

  Kaieteur News- Demerara Distillers Limited (DDL), and the three unions operating in the group: the Guyana Agricultural and General Workers Union (GAWU), the Guyana Labour Union (GLU), and the...
Read More
Nya’s Décor & More

Nya’s Décor & More

Nov 24, 2024

THE SUGAR INDUSTRY – TO BE OR NOT TO BE?

THE SUGAR INDUSTRY – TO BE OR NOT TO BE?

Nov 24, 2024

President’s College marks oral health month with three-day activities

President’s College marks oral health month...

Nov 24, 2024

Pygmy hippo   

Pygmy hippo   

Nov 24, 2024

Botswana

Botswana

Nov 24, 2024

Features/Columnists

Publisher’s Note

Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.

Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]

Weekend Cartoon

Bridge Watch

Demerara Harbour Bridge

> Berbice Bridge […]