Latest update February 8th, 2025 4:01 AM
Latest News
- Norton says GECOM’s Chair decision on biometrics still “unacceptable, inadequate”
- AFC Leader Nigel Hughes welcomes any investigation into lands he acquired
- Pres. Ali defends Jagdeo’s attacks on critics
- VP Jagdeo tries to compare 75 acres of jungle lands Nigel Hughes wants to acquire with 35 acres of prime city lands sold to Ed Ahmad and others
- Greaves tells Govt ‘clean money’ used to acquire New York properties- Jagdeo
Soulja Bai shakeup and Jagdeo reading
On Wednesday, dem boys talk bout a one-foot man who was keeping a step ahead of de police. Well, something happen. Is either de man trip or he miss a step. De police close in on him and he decide to go underground.
But dem boys must admit dat de man got talent. He manage to get a message to de police dat he gon surrender.
Dat is something dem boys can’t understand. People does commit a crime and run and hide. Then dem does surrender. Dem don’t realize dat when dem run and hide, when dem go to court, dem don’t get bail and dem got to sit down in jail.
De man seh he coming out.
But before dem boys could celebrate, Soulja Bai pull in some of he Ministers fuh fitness. He had to deal wid Li’l Joe, Shaat Man, he son-in-law and Roops. All of dem resign from Parliament. Dat lef a hole.
Soulja Bai decide to full de gap wha dem lef and he tek de opportunity to deal wid some of dem who got people washing dem mouth pon dem. De Housing lady who seh she and she husband don’t talk name in bed.
Soulja Bai put a woman who like talk. He put Annette fuh deal wid de Housing thing, because she don’t have husband fuh get housing contract.
Simona get move from under Trotty. She ain’t do nutten really, except dat she get she name call wid a security guard at New Thriving. Dem boys seh Soulja Bai put she under he nose. She deh in Ohh Pee.
He ain’t put nobody to do Foreign Affairs and dem boys know why, but dem don’t want pick story wid anybody.
And all dis time Jagdeo deh reading de Waterfalls paper to find something to talk at he press conference. Yesterday, dem boys ask him how come he suh vex wid de media. De man got de nerve to tell dem dat he frustrated.
He tell one reporter dat dem reporters not mekking things rough fuh Soulja Bai. When de reporter ask him to give dem de evidence against Soulja Bai government, he tell de reporter dat he expect dem to go out and find de evidence.
Dat is a man who selling de Waterfalls Paper.
Talk half and don’t call Jagdeo a newspaper vendor.
Similar Articles
THE BLUNT OF THE DAY
Sports
Features/Columnists
What Guyanese leaders can learn from Donald Trump
Peeping Tom… Kaieteur News-There is little dispute that Donald Trump knows how to make an entrance. He does so without... more
OAS Secretary General Election and renewed OAS Consensus
Antiguan Barbudan Ambassador to the United States, Sir Ronald Sanders By Sir Ronald Sanders Kaieteur News- The upcoming election... more
Weekend Cartoon
