Latest update April 5th, 2025 12:59 AM
Latest News
Man cover up ee bus like how cops does cover up case
Guyana got a solution fuh de prison situation but if Ram Jattan didn’t talk nobody woulda know. Two years straight dem prisoners set fire inside Camp Street and eventually bun it down. Ram Jattan get headache and Rohee cuss him.
He talk to dem technical institute people and he solve de problem. He building portable steel cells. Just like how dem have mobile toilet, Ram Jattan have mobile prisons.
Dem boys hear he plan to use dem 40-foot steel container. He gon cut windows and put on four wheel pon each one.
Any container dat got people who mek noise—dat is disturbing de peace– will be towed and placed in de middle of de cemetery.
Any one of de mobile prison dat got disturbance and rioting will be put on a floating pontoon to be shipped.
Dem boys already picturing Jagdeo, Ashni, Brassy, Irfaat, Gerry and de Chat-3 peeping through de mobile prison cell as Ram Jattan driving dem round and round Freedom House suh people can see who tek things wha nah belong to dem.
Fuh sure, some policemen gon be using dem same mobile prison as guests. A man who got a supermarket a few doors from de Vigilance Police Station knock down two li’l boys.
De man windscreen bruk up and de bus damage but de man manage to park de bus and cover it up.
Dem boys hear de police know de same night from de pieces of de broken number plate, dat is de same man who got de supermarket nearby.
Dem boys want to believe dat officers collect sutten because de man run away and dem ain’t do nutten.
Days after, a reporter track down de bus because he do de police wuk. He force de police to hand over de pieces of de number plate and he check out de registration.
De bus was cover up just like how de police cover up many cases, including dis one.
Dem boys also believe dem police was enjoying freeness from de supermarket suh dem refuse to hold de man.
Talk half and keep yuh eye pon dem East Coast police.
Similar Articles
THE BLUNT OF THE DAY
Sports
Features/Columnists
The One-Man Republic
Peeping Tom… Kaieteur News- There exists, tucked away on the margin of maps and minds, a country that has perfected... more
Weekend Cartoon
