Latest update April 14th, 2025 12:08 AM
Latest News
- Hess’ lifting cost per barrel in Guyana only $US7
- ExxonMobil billed Guyana US$120 million for exploration in 2024- Annual Report reveals
- Over 1,560 killed since Israel broke Gaza truce
- RSS team begins investigation into shooting death of Linden men
- Security guard shoots two brothers who stabbed him during row at supermarket
Lead pencil land Irfaat in trouble wid SOCU
Every dog got ee day is one saying. Anodda one is moon does run till day ketch am.
Yesterday, de man who use to run de Ministry of Housing accounts department and keep record wid lead pencil, end up in front a magistrate. Wha he was to write, he forget to write.
He share out state land like if was he mudda and fadda own it. SOCU charge him fuh selling land wha didn’t belong to him or de Ministry of Housing.
Dem boys hear nowhere in de govt—not de Cabinet, not de Ministry, or he house—got any record of de Pradoville2 transaction. Dem can’t even find a receipt to show wha anybody pay.
Dem boys want to believe dat he record all dem things wid lead pencil and before de coalition come in, he rub out everything.
Dem boys also believe dat he sign he marrid certificate wid lead pencil. He wife betta check because problem start now and he can rub out he name and do exactly like Jagdeo, he padna in crime.
Jagdeo seh he never marrid but dem boys been to both he and Irfaat wedding.
Is de same lead pencil land him in hot water and de man who should have been walking up de court step side by side wid him is Jagdeo.
Jagdeo hatch de land sale, and he demand de biggest portion of land. Dem boys still remember de plan to split Plaisance playground to build a road at de western end leading straight into Jagdeo yard.
If dem boys didn’t skin up de plan, Jagdeo woulda have he own private road plus a private runway fuh he plane wha he use to keep in de Crash Jet hangar at Timehri.
Dem boys also remember GPL spend couple hundred million dollars to buy and fly in underground cable to carry power to all dem house in Pradoville2.
Dat is de only location dat have underground power line like Europe and parts of Uncle Sam.
Dem boys want SOCU fuh know dat if dem dig a little more and call, dem gon learn dat Pradoville 2 is only de tip of de iceberg dat Irfaat give away.
SOCU gon find dat he give away plenty state lands to he friends and family. Only a fool does give way and don’t tek fuh heself. Dem boys believe dat he tek fuh heself to.
One thing though, he got nuff lawyers and liars by he side. Dem boys want to know if dem gon help share dat cell wid him.
Talk half and hope he enjoy Christmas. It could be his last fuh some time.
Similar Articles
THE BLUNT OF THE DAY
Sports
Features/Columnists
The mirage of citizen investment
Peeping Tom… Kaieteur News- The latest song and dance from the corridors of political power in Guyana comes wrapped... more
Collaborative Government–Private Sector Action Imperative for a Resilient Trade Future
By Sir Ronald Sanders Kaieteur News- On April 9, 2025, U.S. President Donald Trump announced a 90-day suspension of the higher... more
Weekend Cartoon
