Latest update April 11th, 2025 9:20 AM
Bad things does happen when people thing full you eye
Only yesterday dem boys talk bout people who always looking to pick up wha don’t belong to dem. Dem is de people who does go to people house and when dem lef dem got people thing in dem pocket.
De same set of people does go in dem supermarket and pick up de people thing and stuff dem under dem clothes. One man go in slim and come out fat; women does got on nuff underclothes and big short to hide wha dem pick up. When dem lef dem can open dem own shop.
But dem is de harmless few. Dem don’t hurt nobody except de people who own de supermarket or who suffer because de people pick up things from de house.
But dem have de other set who does mek everybody life miserable. Last night dem mek people wake up soon, long before bird wife wake and dem couldn’t sleep back. Dem go to a house in Liliendaal because dem hear this house got a safe. Safe is something that everybody got in dem house; some does call it cupboard when it nail on to something.
These people didn’t put de safe there but dem go to collect it. Five big men who coulda been home wid dem wife and sleeping decide that that is de hour dem gun go in odda people house. Dem boys also know that when you go in odda people house without invitation bad thing can happen to you.
Now de five never live to see de sun come up; dem had gun but dem always got people who got bigger gun than you. When you run dem always got people who can run faster than you.
Some of dem go in de people house but by de time dem reach inside de hand of death was outside. People heart nearly lef dem. Nuff come off dem bed and lie down pun de floor wid tears in dem eyes. Dem boys know when death deh round nobody does be happy.
But Mr. Death did only come fuh de five. He lef and de people still frighten. Last night all who use to go home after midnight been home before de sun go down. Dem had some very happy husbands and wife.
Talk half and lef wha is not you own.
Similar Articles
THE BLUNT OF THE DAY
Sports
Features/Columnists
Protest against Commissioner of Information continues today
Kaieteur News- A protest organized against the Office of the Commissioner of Information, Charles Ramson SC, will continue... more
The U.S. “Joining” the Commonwealth: an unreasonable expectation
By Sir Ronald Sanders Kaieteur News- Recent media stories have suggested that King Charles III could “invite” the United... more
Weekend Cartoon
