Latest update April 14th, 2025 6:23 AM
Latest News
- Gov’t still fine-tuning details, cautious with elections upcoming- Jagdeo
- Canadian mining Co. praises Guyana for speedy permits, pro-mining environment
- Israeli air strike destroys part of last fully functional hospital in Gaza City
- Linden families bolstered with legal support
- Glenn Lall rubbishes Jagdeo’s justification for low value of Guyana $$$
People like collect wha is not dem own
Criminals don’t have no rhyme or reason. Nuff of dem who thiefing don’t have to; dem could go and look fuh wuk but dem boys know dat all of dem gon tell everybody how de money can’t pay.
De stupid thing is a man prefer to risk he life fuh a dollar than just go and get a honest dollar. Sometimes, although dem get, dem don’t be satisfied. A group of dem go pon a hustle at some place in de Polder.
Dem tek de people money, dem cell phone and anything dem could put dem hands on. Dem tek likker, dem even tek a bag fuh put in some of de things dem carry away. But things get sweet. One of dem suh smart, dat he give he woman one a de cell phone he and he gang tek. He didn’t have de sense fuh change de SIM card.
De woman eye light up and she start fuh call all she friends. In fact, dem boys she, she call all who she know. De people who get rob spend dem time calling all de phone number. Then dem tell de police. Good luck fuh dem, dis same gyal wid de new phone answer she own when de police call.
Now-a-days dem got people who does announce dat somebody win a lottery and if dem pay some money dem can collect de prize. Dem got people who ain’t play no lottery or buy a lottery ticket but dem want to claim winnings. De same stupid people could tell de people who paying out de lotto to tek out de money but nah. We stupid people does send money.
Dis lady ain’t got nobody living in foreign; she ain’t shop online but she hear bout some package come fuh she. De police ain’t even ask she her name or wheh she live but she hear package come fuh she and she provide name and address. She suh smart dat she walk right up to de police vehicle fuh collect she package. Dat’s how she get hold.
Dem boys seh dat right away, she carry de police to wheh she man live. She live pon West Bank and she man live in Town. De odda people now biting and squeezing.
Talk half and don’t hold yuh phone too tight.
Similar Articles
THE BLUNT OF THE DAY
Sports
Features/Columnists
The theatre of protest and the death of reason
Peeping Tom… Kaieteur News- The recent deaths of two young men in Linden demand investigation and truth. But they also... more
Collaborative Government–Private Sector Action Imperative for a Resilient Trade Future
By Sir Ronald Sanders Kaieteur News- On April 9, 2025, U.S. President Donald Trump announced a 90-day suspension of the higher... more
Weekend Cartoon
