Latest update February 5th, 2025 11:03 AM
You can’t see nutten good when you blind
When people seh dem can’t see nutten good in you, de advice is to hug dem close because you realize dem blind and need help.
Jagdeo and some of dem Baccoo in de govt tell people how de Waterfalls paper ain’t got nutten good. That is when dem boys realise how dem blind.
But dem boys wouldn’t hug dem because one thing can lead to another and dem boys ain’t deh suh.
Dem boys also ain’t deh fuh open dem hand or dem pocket. Dem parents bring dem up in de right way. One thing dem parents always tell dem is what is fuh you in dis life, no man can change, add or delete. And dem boys will guh to dem grave wid those words.
Dem boys wish all who does cuss de Waterfalls paper fuh exposing corruption, illegality, immorality, lopsided, and one-sided contracts had parents who woulda teach dem those words.
But it sad, so sad that dem boys remember Mitta Shaama. He use to seh pun ee TV, when he hear poor people plight, especially when people tek advantage pun dem, is a shad, shad shishuashan.
All Guyana in a shad, shad, shad shishuashan wid de way dem oil companies treating Guyanese, except de few politicians who already full dem wardrobe, dem bank books and dem pockets.
And dem boys have no apology fuh saying that dem full dem pocket. Another thing dem boys mudda tell dem is “Never apologise for having high standards. People who really want to be in your life will rise up to meet dem.”
Talk half and hope Soulja Bai mek ee people reach he standards.
Similar Articles
THE BLUNT OF THE DAY
Sports
Features/Columnists
Democracy is a long-term commitment
Peeping Tom… Kaieteur News- Some things in life just shouldn’t have an expiration date—like true love, a fine bottle... more
OAS Secretary General Election and renewed OAS Consensus
Antiguan Barbudan Ambassador to the United States, Sir Ronald Sanders By Sir Ronald Sanders Kaieteur News- The upcoming election... more
Weekend Cartoon
