Latest update November 19th, 2024 1:00 AM
Latest News
- Referendum on oil contract crucial before any future negations with Exxon-WPA
- Foreign companies making US millions in Guyana must pay fair share of taxes-says Jagdeo
- Risk of famine in Gaza has reached disaster levels’: Turkey’s President
- Woman raped and robbed in Linden
- Brutus on $16.25M bail for 231 financial crime charges
Bandits playing dog and de bone
Dem have some people like dogs. Dem only waiting fuh something dat people got. People who does mind dogs know dat once dem got something good in dem hand and de dog see it, it does jump all over you.
If you got a stick is another story and dat is de case today when people go to de bank. Dem bandits like a hungry dog. As soon as dem see something dat look like if it got money is pounce dem does pounce. And some of dem does pounce like a real bad dog.
Three people go to a bank and not long after dem come out, de bandits pounce. One man try to hold on to he money and he get shoot in he foot. Another nearly meet home and de next thing he know is dat a bullet go off behind him and he get shoot in he head.
But dem had a case of a lady who come from de Ogle airport wid wha she had but he also had a stick which de bandits didn’t see.
Of course dem see de money and dem pounce. De lady stick come out; one of dem dead right pun de line top. De odda one couldn’t stand de bullet, he get suh he run to de hospital.
Dem boys know dat once you go to de hospital wid a gunshot wound is de police you got to deal wid. He was a bad dog who get sick.
Sometimes luck does mek some of dem same bandits get ketch. Dem boys remember de time when a man and he girl been in de Gardens. Dis bad man pounce but de man fight up. He get wounded but he also wound de bandit. Both of dem end up in hospital in de same ward.
When de man look round, he see de bandit on another bed. De bandit did tell de doctor how a man attack him so dem look after him. But when de man point him out, was another story.
More and more it look like if people got to change from dealing wid nuff cash. Dem boys warning dem but dem ain’t listening.
Talk half and listen to de warning because if you don’t have money, you can’t get rob!
Similar Articles
THE BLUNT OF THE DAY
Sports
Features/Columnists
A shameful abdication of leadership
…Peeping Tom Kaieteur News- The PPPC government has reached a new low in its spineless defense of the lopsided Production... more
Rising Gun Crimes in the Caribbean: Urgent Action required by all
By Sir Ronald Sanders Kaieteur News – There is an alarming surge in gun-related violence, particularly among younger... more
Weekend Cartoon
