Latest update November 21st, 2024 1:00 AM
De Paccoo file to divorce de Baccoo over oil money
Dem boys know pardner business never work out all because one does hustle to rob or outsmart de other.
Everybody know when it comes to CASH you and yuh own mudda does get wrong, much less strangers.
Show dem boys a prosperous pardner business and dem boys will show you the way to Heaven.
It is no different with political parties. It does always start out wid flair and glamour until dem find out de pie not sharing even. Dat is de beginning of de divorce.
Dem boys hear divorce proceedings start already but no side ain’t get lawyer yet. Dem going to court, not in dem party name.
Hap New going as de Baccoo and Hay Heff See going as de Paccoo.
People seh as soon as dem go in dat de Baccoo start thiefing and lef out de Paccoo.
Dem boys will nevah fuhget de D’Urban Park scandal involving hundreds of millions. De Paccoo get lef out and dat start de brucking up.
Then come de threatening letter wha BK write to de Baccoo dat he gun go to court if he don’t get pay US$8 million.
De Baccoo hand over de money before dayclean and everybody know de Paccoo ain’t get nutten. Dis letter, dem boys hear, cause de separation.
Dem boys hear dat another letter cause de divorce. Dis letter get leak and it show dat de Baccoo get US$18 million and didn’t tell de Paccoo nutten. In fact, de Baccoo try to hide it from de Paccoo.
De Paccoo tell dem boys dem believe is more than US$100 million and not US$18 million because of how dem behave.
De Finance Baccoo seh dem reporter nevah ask de right question. He seh de reporter ask bout US$20 million and he seh he ain’t know bout no US$20 million.
Then he get rude and disrespectful. He seh he don’t have to answer to nobody how much he collect. How he expect de Paccoo to feel? Dat answer mek de Paccoo file fuh divorce.
Then wha add de last straw was when Soulja Bai seh he ain’t tell everybody. De Paccoo know is dem he didn’t tell.
Up come de Shart Baccoo and he seh how he tell Soulja Bai hide it.
Talk half and search fuh de rest of de US$100 million.
Similar Articles
THE BLUNT OF THE DAY
Sports
Features/Columnists
Bureaucracy gone bananas!
…Peeping Tom kaieteur News- Every morning, the government wakes up, stretches its arms, and spends one billion dollars... more
Rising Gun Crimes in the Caribbean: Urgent Action required by all
By Sir Ronald Sanders Kaieteur News – There is an alarming surge in gun-related violence, particularly among younger... more
Weekend Cartoon
