Latest update April 4th, 2025 5:09 PM
Latest News
ExxonMobil gun be de last straw to bruck Guyana back
One man tell dem boys everything comes to you at the right time. Be patient and trust in de process. Dem boys agree wid that saying to a point. But dem would only be patient and place trust in a process if is something that de Man above directing. Dem wouldn’t put dem trust in any man much less politicians. Dem been around this world too long.
Dem see too many things and dem learn from these things. Guyana process nuff people who come in de country and promise nuff things. Barama come and promise dem de moon and de stars. That company disappear from Guyana and people still waiting fuh see de moon. And de only star people seeing is wha de teacher tick off in dem li’l children book.
BaiShanLin come and promise heaven and earth. If wasn’t fuh de Waterfalls paper dem woulda carry de whole earth and lef Granger praying to de heaven fuh leh dem bring back something. Dem Canadian gold companies come and promise gold and diamond fuh everybody. De only people who wearing de gold is dem who live in Canada.
Dem Australians come and promise Guyanese so much that de people would walk up to de sky pun a gold and diamond highway. De country can even get a gold independence ring fuh Soulja Bai.
Two Russian bauxite companies come and promise to tun round de industry. Dem tun round de place till Linden deh close to de Venezuelan border in de North West and North West deh wheh Linden suppose to deh.
Dem boys seh de Americans come now fuh oil and dem promise everything under de moon, de sun and de stars.
Dem even promise Guyana things from below de sea. Dem boys seh by de time ExxonMobil done wid Guyana nobody wouldn’t have eyes to see. That gun be de last straw that bruck de camel back.
Talk half and hope Guyana wake up.
Similar Articles
THE BLUNT OF THE DAY
Sports
Features/Columnists
The reciprocal tariffs
Peeping Tom… Kaieteur News- Vice President Bharrat Jagdeo has once again proven his talent for making the indefensible... more
Weekend Cartoon
